हे ही वाचा : मेहुण्याला मटण खायला बोलवलं अन् डोक्यात तवा घालून केली हत्या, नेमकं काय घडलं?

पीडिता आठ महिन्यांची गरोदर

झारखंडमधील गढवा जिल्ह्यातील ही घटना आहे.साकेत केशरी आणि पीडित तरुणीचे गेल्या सहा वर्षांपासून प्रेमसंबंध होते. वर्षभरापूर्वी त्यांना एक मूलही झाले होते, परंतु गावकरी आणि समाजाच्या हस्तक्षेपानंतर दोघांना वेगळे करण्यात आले होते. त्यानंतर काही काळ त्यांच्या भेटीगाठींवर बंदी घालण्यात आली होती. आरोपानुसार, काही महिन्यांनंतर आरोपीने पुन्हा तरुणीशी संपर्क साधला आणि लग्नाचे खोटे आश्वासन देऊन तिच्याशी शरीरसंबंध प्रस्थापित केले. यामुळे पीडिता पुन्हा गरोदर राहिली असून सध्या ती आठ महिन्यांची गरोदर आहे.

पाणीपुरीत घातले विष

घटनेच्या दिवशी म्हणजेच 21 फेब्रुवारी 2026 रोजी दुपारी साकेतने पीडितेशी संपर्क साधला आणि तिला काहीतरी खाऊ घालण्याच्या बहाण्याने बोलावले. पीडितेने पाणीपुरी खाण्याची इच्छा व्यक्त केल्यानंतर त्याने तिला पाणीपुरी खाऊ घातली, ज्यामध्ये आधीच विष मिसळले होते. पाणीपुरी खाल्ल्यानंतर तिला उलट्या होऊ लागल्या आणि तोंडातून रक्त येऊ लागले. त्यानंतर सायंकाळी चारच्या सुमारास त्याने डॉक्टरकडे नेण्याच्या बहाण्याने तिला दुचाकीवर बसवले, परंतु तिला रुग्णालयात नेण्याऐवजी तो जंगलात घेऊन गेला.

हे ही वाचा : बायकोला बघताच नवऱ्यात राक्षस जागा झाला, गुप्तांगात बाटली घालत कुऱ्हाडीने केले 12 तुकडे

जंगलात नेऊन हत्येचा प्रयत्न

जंगलात नेल्यानंतर साकेतने तिला बेदम मारहाण केली आणि गळा दाबून तिची हत्या करण्याचा प्रयत्न केला. या हल्ल्यातून ती कशीबशी सुटली आणि अंधाराचा फायदा घेत रात्रभर जंगलातच लपून राहिली. सकाळी तिने कसाबसा आपला जीव वाचवून घर गाठले आणि घडलेला प्रकार सांगितला. पीडितेच्या तक्रारीवरून पोलिसांनी तत्काळ कारवाई करत आरोपी साकेत केशरी याला अटक केली आहे. या घटनेमुळे संपूर्ण परिसरात तीव्र संताप व्यक्त केला जात आहे.