प्राध्यापकाच्या हत्येने लातूर हादरलं, बहिणीसोबत प्रेमसंबंध असल्याचा संशय, 2 भावांनी मिळून संपवलं

हेही वाचा : कायम साधेपणाने जगलेले नाना पाटेकर किती कोटींचे मालक? मागे सोडली ‘एवढ्या’ कोटींची संपत्ती!

नितीन हे कोल्हापूर शहरात प्राध्यापक म्हणून कार्यरत होते 

स्टोन क्रशर प्रकल्पावर नेल्यानंतर चारही आरोपींनी नितीन यांना काठी, पट्टा आणि लोखंडी रॉडने मारहाण केल्याचे पोलिसांनी सांगितले. या मारहाणीत गंभीर दुखापत झाल्याने नितीन यांचा मृत्यू झाला. नितीन हे कोल्हापूर शहरात प्राध्यापक म्हणून कार्यरत होते आणि कनेरी चौक परिसरात राहत होते. बहिणीसोबत प्रेमसंबंध असल्याच्या संशयातून ही हत्या करण्यात आल्याचे पोलिसांच्या तपासात समोर आले आहे. या प्रकरणात लातूर शहराचे डीवायएसपी समरसिंह साळवे यांनी माहिती दिली आहे.

हेही वाचा : कायम साधेपणाने जगलेले नाना पाटेकर किती कोटींचे मालक? मागे सोडली ‘एवढ्या’ कोटींची संपत्ती!

आरोपींना चार दिवसांची पोलीस कोठडी

5 ऑक्टोबर रोजी पहाटे सुमारे 5 वाजता पोलिसांना नितीन यांच्या हत्येची माहिती मिळाली. त्यानंतर पोलिसांचे पथक घटनास्थळी पोहोचले आणि तपास सुरू केला. या प्रकरणी शिवाजीनगर पोलीस ठाण्यात चारही आरोपींविरोधात गुन्हा दाखल करण्यात आला. पोलिसांनी भारतीय न्याय संहितेच्या कलम 468/26, 103(1), 140 (1) आणि 3(5) अंतर्गत गुन्हा दाखल केला आहे. या प्रकरणी पृथ्वीराज देशमुख, धवल देशमुख, प्रथमेश रेड्डी आणि आदित्य भालके यांना पोलिसांनी ताब्यात घेतले.

चारही आरोपींना न्यायालयात हजर करण्यात आले. न्यायालयाने त्यांना चार दिवसांची पोलीस कोठडी सुनावली आहे. या प्रकरणाचा पुढील तपास शिवाजीनगर पोलीस ठाण्याचे पोलीस निरीक्षक संतोष पाटील आणि एपीआय कामत करत आहेत. या घटनेशी संबंधित इतर बाबींचाही पोलीस तपास करत आहेत.