हे ही वाचा : पुणे : शाळेत टिळा लावून येण्यास मनाई, मुख्याध्यापकावर खळबळजनक आरोप; हिंदुत्त्ववादी कार्यकर्ते आक्रमक

ऑनलाईन गेमिंगचे व्यसन

शहडोल परिसरात राहणाऱ्या शंकर लाल गुप्ता यांना BDG आणि Aviator सारख्या ऑनलाईन सट्टा गेमचे भयंकर व्यसन जडले होते. या खेळांमध्ये ते सातत्याने पैसे हारत गेले आणि बघता बघता लाखो रुपयांच्या कर्जात बुडाले. आर्थिक विवंचना आणि कर्जदारांचा वाढता दबाव सहन न झाल्याने त्यांनी टोकाचे पाऊल उचलण्याचे ठरवले. 24 फेब्रुवारीच्या मध्यरात्री त्यांनी कोल्ड्रिंकमध्ये विष मिसळून सुरुवातीला पत्नी राजकुमारी आणि मुलगी स्वाती यांना पाजले आणि त्यानंतर स्वतःही त्याचे प्राशन केले.

15 वर्षांचा मुलगा वाचला

या घटनेची माहिती मिळताच शेजाऱ्यांनी तिघांनाही तातडीने रुग्णालयात दाखल केले होते. मात्र, 25 फेब्रुवारी रोजी उपचारादरम्यान शंकर लाल आणि मुलगी स्वाती यांचा मृत्यू झाला. पत्नी राजकुमारी यांची प्रकृती अत्यंत गंभीर असल्याने त्यांच्यावर वैद्यकीय महाविद्यालयात उपचार सुरू होते, परंतु आठ दिवसांच्या संघर्षानंतर त्यांचीही प्राणज्योत मालवली. या भीषण दुर्घटनेत संपूर्ण कुटुंब उद्ध्वस्त झाले असून, आता केवळ 15 वर्षांचा मुलगा अनिकेत हाच जिवंत वाचला आहे. घटनेच्या वेळी तो घरी नसल्याने सुदैवाने त्याचा जीव वाचला.

हे ही वाचा : संतापजनक! रंग उडवल्याचा राग, आजीने 4 वर्षीय नातवावर उकळते पाणी ओतले; नागपुरातील घटना

एका चुकीच्या निर्णयामुळे

ऑनलाईन गेमिंग आणि सट्ट्याच्या जाळ्यात अडकून एका संपूर्ण कुटुंबाने आपला जीव गमावल्याने शहरात मोठी खळबळ उडाली आहे. एका चुकीच्या निर्णयामुळे अल्पवयीन मुलगा पोरका झाला असून, या घटनेने ऑनलाईन गेमिंगच्या जीवघेण्या परिणामांवर पुन्हा एकदा गंभीर प्रश्नचिन्ह उपस्थित केले आहे. पोलीस सध्या या प्रकरणाचा अधिक तपास करत आहेत.