शिकारी खुद यहाँ शिकार हो गया... Girlfriend ला भेटायला गेला, समोर बायको हजर.. सगळा खेला होबेच झाला ना भाऊ!

नेमकं काय घडलं?

मिळालेल्या माहितीनुसार, नवाबगंज येथील रहिवासी सोनी त्रिपाठी हिचे लग्न सुमारे नऊ वर्षांपूर्वी प्रतापगड जिल्ह्यातील किसुंदास गावातील रहिवासी प्रभुदत्त त्रिपाठी उर्फ राजा याच्याशी झाले होते. असा आरोप आहे की, लग्नानंतर लगेचच पतीने आणि त्याच्या कुटुंबीयांनी सोनी हिला घरातून हाकलून दिले होते. गेल्या 5 वर्षांपासून ती तिच्या मुलीसोबत माहेरी राहत होती. या काळात तिच्या पतीने तिच्याशी संपर्क साधला नाही किंवा मुलीची चौकशीही केली नाही.

हे ही वाचा>> भाच्याने मामाच्या 14 वर्षांच्या मुलीवर केले लैंगिक अत्याचार, गुप्तांगाला नको तेच... लाज आणणारी घटना

इन्स्टाग्राम आयडी तयार करून रिक्वेस्ट पाठवली

पतीच्या उदासीनतेमुळे वैतागून सोनीने पतीला धडा शिकवण्याचा निर्णय घेतला. तिने एक बनावट इन्स्टाग्राम आयडी तयार केला आणि त्याद्वारे आपल्या पतीला रिक्वेस्ट पाठवली. प्रभुदत्त या जाळ्यात अडकला आणि ती दुसरीच मुलगी आहे असे समजून तिच्याशी बोलू लागला. हळूहळू त्यांचे संभाषण वाढत गेले आणि प्रभुदत्तने तिला भेटण्याची इच्छा व्यक्त केली. इतकेच नाही तर, त्याने तिच्यावर लग्नासाठी दबाव टाकायला सुरुवात केली.

ती आपली प्रेयसी आहे असे समजून तो तिला भेटायला गेला, अन्...

अनेक दिवसांच्या संभाषणानंतर, 2 मे रोजी दारागंज येथील नागवासुकी मंदिरात भेट ठरली. प्रभुदत्त ठरलेल्या वेळी पोहोचला, पण तिथे उभ्या असलेल्या स्त्रीला पाहून त्याला धक्काच बसला. ज्या स्त्रीला भेटायला तो आला होता, ती दुसरी-तिसरी कोणी नसून त्याची पत्नी सोनीच होती.

हे ही वाचा>> एकीकडे नातेवाईकाचं लग्न उत्साहात सुरु, दुसरीकडे जावई अन् सासू शेतात आक्षेपार्ह अवस्थेत सापडले, अन्...

घटनास्थळी गोंधळ

असा आरोप आहे की, सत्य उघडकीस आल्यानंतर प्रभुदत्तने रागाच्या भरात आपल्या पत्नीला मारहाण केली, तिला जीवे मारण्याची धमकी दिली आणि पळून जाण्याचा प्रयत्न केला. पण त्यावेळी घटनास्थळी उपस्थित असलेल्या लोकांनी हा गोंधळ पाहून पोलिसांना माहिती दिली. पोलिसांनी तात्काळ घटनास्थळी पोहोचून प्रभुदत्तला ताब्यात घेतले.

सोनीच्या तक्रारीच्या आधारे दारागंज पोलीस ठाण्यात तिच्या पतीविरुद्ध गुन्हा दाखल करण्यात आला असून, पुढील कारवाई सुरू आहे. ही घटना परिसरात चर्चेचा विषय बनली आहे.