पालघर : अनैतिक संबंधांचा भयानक अंत, पती-पत्नीने मिळून काढला युवकाचा काटा

हेही वाचा : इंटेलिजन्स ब्युरोचा इशारा, अन् कॉकरोज जनता पार्टीचं X हँडल बंद, इन्स्टा अकाऊंटवरही कारवाई?

मिळालेल्या अधिकृत माहितीनुसार, या मृत युवकाची हत्या करण्यासाठी धारदार शस्त्रांचा वापर करण्यात आला होता, त्याच्या डोक्यावर गंभीर वार करून त्याला जागेवरच संपवण्यात आले. या भीषण घटनेनंतर परिसरात खळबळ उडाली होता. मृत युवकाच्या कुटुंबीयांनी दिलेल्या तक्रारीनंतर पोलिसांनी तात्काळ या प्रकरणाचा तपास सुरू केला. पालघरचे पोलीस अधीक्षक यतीश देशमुख यांच्या थेट मार्गदर्शनाखाली तलासरी पोलिसांनी या गुन्ह्याच्या तपासासाठी एक विशेष तपास पथक गठीत केले होते. या पथकाने तांत्रिक विश्लेषण आणि गुप्त माहितीच्या आधारे अत्यंत शिताफीने तपास करत आरोपींचा माग काढला आणि त्यांना अटक करण्यात यश मिळवले.

हेही वाचा : शीर तलावात अन् धड रेल्वेत, बापाला आवडला नाही मुलीचा 'तो' निर्णय, अखेर..

मुख्य आरोपीच्या पत्नीचे मृतकासोबत होते प्रेमसंबंध

पोलिसांनी केलेल्या प्राथमिक तपासामध्ये या संपूर्ण हत्याकांडामागचे अत्यंत धक्कादायक कारण उघडकीस आले आहे. मुख्य आरोपीची पत्नी आणि मृत युवक यांच्यामध्ये कथित प्रेमसंबंध होते, अशी माहिती तपासात समोर आली आहे. याच अनैतिक संबंधांच्या वादातून आणि रागातून या युवकाचा काटा काढण्यासाठी पती-पत्नीने मिळून हत्येचा हा भयानक कट रचला होता. पोलिसांनी मुख्य आरोपीला ताब्यात घेऊन त्याची कसून चौकशी केली असता, त्याने पोलिसांसमोर आपला गुन्हा कबूल केला आहे.

हत्याकांडाच्या कटात सहभाग असल्यामुळे पत्नीलाही अटक

पोलीस तपासात केवळ पतीचाच नाही, तर या संपूर्ण हत्येच्या कटामध्ये मुख्य आरोपीच्या पत्नीची देखील सक्रिय आणि संशयास्पद भूमिका असल्याचे स्पष्ट झाले. प्राथमिक तपासात मृतकासोबत असलेल्या प्रेमसंबंधांमुळे आणि या हत्येच्या नियोजनात कथित सहभाग आढळल्याने पोलिसांनी तिलाही तात्काळ ताब्यात घेऊन अटक केली आहे. तलासरी पोलिसांनी या दोन्ही आरोपींविरुद्ध भारतीय न्याय संहिता (BNS) च्या संबंधित कलमांतर्गत गुन्हा दाखल केला असून पुढील तपास सुरू केला आहे. वरिष्ठ पोलीस अधिकाऱ्यांच्या देखरेखीखाली या प्रकरणाचा पुढील सखोल तपास सुरू असल्याचे प्रशासनाकडून सांगण्यात आले आहे.