पकडणाऱ्यास 50 हजारांचं बक्षीस, कारनामे पाहून सिनेमा बनेल... चकवा देणाऱ्या प्रियांकाला पोलिसांनी कसं पकडलं?

प्रियंका सिंह कशी पकडली गेली?

एसटीएफला काही दिवसांपासून फरार आरोपी लखनऊ परिसरात सक्रिय असल्याची माहिती मिळत होती. तपास अधिक खोलवर गेल्यानंतर 2019 पासून वॉन्टेड असलेली आणि 50 हजारांची बक्षीस असलेली प्रियंका सिंह लखनऊच्या जानकीपुरम परिसरात लपून बसल्याचे समोर आले. त्यानंतर एसटीएफ आणि कोतवाली ललितपुर पोलीस यांनी संयुक्त कारवाई करत बिहार सहारा स्टेट येथून तिला अटक केली.

हेही वाचा : छत्रपती संभाजीनगर : ट्रॅव्हल्सच्या डिक्कीचा दरवाजा थेट रिक्षात घुसला,जीवलग मैत्रीणींचा गळा कापल्या गेल्याने मृत्यू

चौकशीत प्रियंकाने काय सांगितले?

प्राथमिक चौकशीत प्रियंकाने कबुली दिली की, 2011 मध्ये तिने पती राजेश कुमार सिंह आणि सहकारी दीपक शुक्ला, आशीष श्रीवास्तव, दुर्गेश जायसवाल आणि विक्रांत त्रिपाठी यांच्या सोबत मिळून ‘जेकेबी लँड अँड डेव्हलपर्स इन्फ्रास्ट्रक्चर लिमिटेड’ या नावाने कंपनी स्थापन केली होती. ही कंपनी अनेक शाखांसह गुंतवणूकदारांना आकर्षित करण्याचे काम करीत होती. कंपनीचे रजिस्टर्ड ऑफिस हजरतगंज, लखनऊ येथे तर शाखा ललितपुर येथे होती. एजंट नेमून गुंतवणूकदारांकडून करार केले जात होते आणि त्यांच्या नावाने एफडी व बँक खाती उघडली जात होती. या माध्यमातून गुंतवणूकदारांकडून कोट्यवधी रुपये जमा करण्यात आले.

एका रात्रीत केली करोडोंची फसवणूक

गुंतवणूकदारांकडून मोठी रक्कम जमा झाल्यानंतर एका रात्रीत संपूर्ण स्टाफ आवश्यक कागदपत्रांसह फरार झाला. गुंतवणूकदारांना आपले पैसे परत न मिळाल्याने त्यांनी तात्काळ कोतवाली ललितपुर येथे तक्रार नोंदवली. पोलिसांनी तपास सुरू केल्यानंतर या घोटाळ्याचे स्वरूप अधिक स्पष्ट झाले. या प्रकरणातील कंपनीचा संचालक आशीष श्रीवास्तव याला 29 जून 2025 रोजी इंदौर (मध्य प्रदेश) येथून अटक करण्यात आली होती. मात्र प्रियंका सिंह मात्र सतत फरार होती. तिच्या फरारीमुळे झांसी पोलिसांनी तिच्यावर 50 हजारांचं बक्षीस जाहीर केलं होतं. एसटीएफच्या या कारवाईनंतर या मोठ्या आर्थिक घोटाळ्याचे अनेक धागेदोरे उकलण्याची शक्यता आहे. गुंतवणूकदारांनाही आता न्याय मिळण्याचा मार्ग मोकळा झाला आहे.

इतर महत्त्वाच्या बातम्या 

लोकलमध्ये हिंदी बोलणं जीवावर बेतलं, मराठी तरुणाला मराठी लोकांकडूनच मारहाण; आत्महत्येने झाला शेवट