पुण्यातील कुख्यात गुंड निलेश घायवाळ लंडनला पळाला, इंग्लंडमध्ये कोट्यावधींची माया जमवली; मुलाचंही तिकडेच शिक्षण सुरु

हेही वाचा : शेजाऱ्यानेच लहान मुलाला फिरायला नेले, नंतर त्याचं अपहरण करत गळा चिरला, नंतर मृतदेह पोत्यात भरून घरासमोर लटकवला

घायवळविरुद्ध लुकआउट नोटीस जारी

पुणे पोलिस आयुक्त अमितेश कुमार यांनी कोथरूड गोळीबार प्रकरणातील घैवाळ व त्याच्या टोळीतील आणखी नऊ जणांवर मोक्काच्या तरतुदी लागू केल्या आहेत. हा गोळीबार पोलीस ठाण्यापासून अवघ्या 100–200 मीटर अंतरावर करण्यात आला होता. कोथरूड येथील मुठेश्वर मित्र मंडळाजवळ 17 सप्टेंबर रोजी रात्री साडेअकरा वाजता  हा गोळीबार झाला होता. पीडित प्रकाश मधुकर धुमाळ (३६, थेऊरगाव) याच्यावर गोळ्या झाडण्यात आल्या. धुमाळ रस्त्यावर बोलत असताना त्याने दुचाकीस्वाराचा रस्ता अडविल्याच्या वादातून हा प्रकार घडल्याचे समोर आलं होतं. आतापर्यंत आरोपी मयूर गुलाब कुंबरे, राऊत, चाडीलकर, फाटक आणि व्यास यांना अटक करण्यात आली आहे, तर इतर फरार संशयितांचा शोध सुरू आहे. घायवळविरुद्ध लुकआउट नोटीस जारी करण्यात आली असून तो भारतात परतल्यास ताब्यात घेतला जाईल, असे अधिकाऱ्यांनी सांगितले.

हेही वाचा : 3 वर्ष उलटूनही शिवसेना पक्ष आणि चिन्हाचा निकाल कशामुळे प्रलंबित? आदित्य ठाकरेंच्या प्रश्नावर धनंजय चंद्रचूड यांचं प्रत्युत्तर

गुन्हेगारी क्षेत्रातून पैसा कमवून घायवळने लंडनमध्ये कोट्यावधींची माया जमवली 

 घायवळने गुन्हेगारीतून मोठ्या प्रमाणात संपत्ती कमावली असून लंडनमध्ये  मोठी माया जमवली आहे. त्याचा मुलगाही सध्या इंग्लंडमध्ये शिक्षण घेत आहे. त्याने लंडनमध्ये आलीशान घर देखील खरेदी केलं आहे. दरम्यान, आता निलेश घायवळला पुन्हा पकडणे पोलिसांसाठी आव्हानात्मक असणार आहे.