गटारात सापडला मृतदेह

पीडित मुलगा आणि तिन्ही आरोपी हे एकाच परिसरातील रहिवासी आहेत. ताब्यात घेण्यात आलेले तिन्ही आरोपी हे 10 ते 12 वर्षे वयोगटातील असून, त्यापैकी दोघांचे वय 12 वर्षांपेक्षा कमी असल्याचा पोलिसांचा अंदाज आहे. या घटनेत पीडित मुलाचा मृतदेह एका गटारात सापडला असून, त्याचे शीर धडावेगळ्या अवस्थेत आढळून आले. सुरुवातीला पोलिसांना मृतदेहावर कोणत्याही धारदार शस्त्राच्या खुणा आढळल्या नव्हत्या, ज्यामुळे हे शिरच्छेदाचे प्रकरण असल्याचा संशय निर्माण झाला होता.

हे ही वाचा : 17 वर्षांच्या पुतण्यासोबत ठेवायची शारीरिक संबंध, गर्भवती चुलतीला आता भलतीच आस

150 लोकांचे जबाब

या गुन्ह्याचे गांभीर्य ओळखून जयपूर पोलिसांनी या प्रकरणाच्या तपासासाठी एका विशेष तपास पथकाची (एसआयटी) स्थापना केली. स्टेशन हाऊस ऑफिसर (SHO) गुर भूपेंद्र सिंग आणि डीएसटी (DST) प्रभारी विशंभर यांच्या नेतृत्वाखाली या हत्याकांडाचा उलगडा करण्यात आला. तपासादरम्यान पोलिसांनी परिसरातील सुमारे 150 हून अधिक लोकांची कसून चौकशी केली. घटनास्थळावरून मिळालेले पुरावे, तांत्रिक डेटा आणि इतर महत्त्वाच्या धाग्यादोऱ्यांच्या आधारे या तीन अल्पवयीन मुलांचा या गुन्ह्यातील सहभाग उघडकीस आला.

हे ही वाचा : 24 वर्षीय तरुणीला मोमोजचं आमिष दाखवलं, धावत्या गाडीत नको तेच...

समाजासाठी चिंताजनक बाब

प्राथमिक तपासानंतर, पोलिसांनी तांत्रिक पुरावे आणि आरोपींच्या चौकशीतून या संपूर्ण घटनेचा घटनाक्रम जुळवून काढला. पोलिसांच्या या यशस्वी तपासात हत्येसाठी वापरण्यात आलेला चाकूही जप्त करण्यात आला आहे. अगदी 10 ते 12 वर्षे वयाच्या मुलांनी केलेला हा निर्घृण गुन्हा समाजासाठी अत्यंत चिंताजनक बाब ठरला असून, पोलीस आता या अल्पवयीन आरोपींवर बाल न्याय कायद्यानुसार पुढील कायदेशीर कारवाई करत आहेत.