निवृत्त IPS अधिकारी घरी नव्हता, तिकडं पत्नीसोबत राहत्या घरात मोठं कांड..., नेमकं काय घडलं?

हेही वाचा : अमित शाहांनी भाजपच्या आमदारांना दिली दोनदा संधी, पण शेवटी 'मुख्यमंत्री' म्हणून... वाचा Inside Story

 नेपाळी मोलकरणीवर संशय, पोलिसांनी दिला सतर्कतेचा इशारा

या भीषण हत्याकांडामागे काही दिवसांपूर्वीच कामावर ठेवण्यात आलेल्या नेपाळमधील एका महिला घरकामगाराचा आणि तिच्या साथीदारांचा हात असल्याचा दाट संशय पोलिसांनी व्यक्त केला आहे. गुन्ह्यानंतर ही महिला आपल्या सहकाऱ्यांसह घरातील मौल्यवान वस्तू आणि दागिने घेऊन पसार झाली असल्याचे समजते. या घटनेची गांभीर्याने दखल घेत हैदराबादचे पोलीस आयुक्त व्ही. सी. सज्जनार यांनी एक सार्वजनिक सल्लागार जारी केला आहे. त्यांनी रहिवाशांना आवाहन केले आहे की, कोणत्याही घरकामगाराला कामावर ठेवण्यापूर्वी त्यांची सखोल पार्श्वभूमी तपासणे आणि पोलीस पडताळणी करणे अत्यंत आवश्यक आहे. गेल्या दोन महिन्यांपासून पोलीस प्रशासन सातत्याने अशा सूचना देत असूनही लोक त्याकडे दुर्लक्ष करत असल्याचे त्यांनी खेदाने नमूद केले.

हेही वाचा : Personal Finance: जर तुमचा PAN लीक झाला, तर होईल प्रचंड नुकसान.. याल खूपच अडचणीत

संघटित गुन्हेगारीचा संशय; मुंबई, पुणेतही सक्रिय आहेत अशा टोळ्या

हैदराबाद पोलिसांनी दिलेल्या माहितीनुसार, अशा प्रकारच्या गुन्ह्यांची एक ठराविक पद्धत दिसून येत असून घरकामगारांच्या माध्यमातून केल्या जाणाऱ्या या चोऱ्या आणि हत्यांमध्ये मोठ्या टोळ्या सक्रिय असू शकतात. अशाच प्रकारच्या टोळ्या मुंबई, पुणे आणि बंगळुरू यांसारख्या मोठ्या शहरांमध्येही सक्रिय असल्याचे संकेत मिळाले आहेत, जे संघटितपणे निवासी मालमत्तांना लक्ष करतात. सध्या पोलिसांची पथके फरार आरोपींची ओळख पटवण्यासाठी आणि त्यांच्या मुसक्या आवळण्यासाठी विविध दिशांनी तपास करत आहेत. राहिवाश्यांमध्ये अशा घटना पुन्हा घडू नयेत यासाठी अधिक सतर्कता बाळगण्याची आणि घरकामगारांची अधिकृत माहिती पोलिसांकडे जमा करण्याची गरज प्रशासनाने पुन्हा एकदा अधोरेखित केली आहे.

दिल्लीतही नोकराने केला होता मालकाच्या मुलीचा खून; घरकामगारांशी संबंधित वाढत्या गुन्ह्यांमुळे चिंता

घरकामगारांकडून होणाऱ्या गुन्ह्यांची ही मालिका केवळ हैदराबादपुरती मर्यादित नसून, गेल्या महिन्यात दिल्लीतील कैलास हिल्स परिसरातही अशीच एक भीषण घटना घडली होती. तिथे एका प्राप्तिकर अधिकाऱ्याच्या 22 वर्षीय मुलीची तिच्याच घरी हत्या करण्यात आली होती. प्राथमिक तपासानुसार, मुलीवर लैंगिक अत्याचार करून मोबाईल चार्जिंग केबलने तिचा गळा आवळण्यात आला होता. या प्रकरणातील संशयित आरोपी 'मीना' हा यापूर्वी त्या घरात आठ महिने कामाला होता, मात्र आर्थिक अडचणींमुळे त्याला कामावरून काढून टाकण्यात आले होते. तो ऑनलाइन गेमिंगच्या आहारी गेला होता आणि त्याच्यावर मोठे कर्ज होते, अशा परिस्थितीत त्याने हे कृत्य केल्याचे समोर आले. या दोन्ही घटनांनी घरकामगारांची भरती करताना बाळगल्या जाणाऱ्या सुरक्षिततेचा प्रश्न पुन्हा एकदा ऐरणीवर आणला आहे.