हे ही वाचा : नागपूर : पत्नीसोबत अफेअर असल्याचा संशय, नवऱ्याने अल्पवयीन मुलावर त्याच्या मित्राला अत्याचार करायला भाग पाडलं

शौचाला बसल्याने राग

अजित कुमार आपल्या एका मित्रासोबत आदर्श नगरमधील एका फायनान्स कंपनीत कामासाठी गेला होता. यादरम्यान तो जवळच असलेल्या एका घराच्या कडेला शौचास बसला. हे पाहून घरमालक शंभू झा संतापला आणि त्याने रागाच्या भरात घराच्या गच्चीवरून ग्रेनाईटचा जड तुकडा खाली फेकला. हा तुकडा थेट अजितच्या डोक्याला लागल्याने तो रक्ताच्या थारोळ्यात जागीच कोसळला. त्याला तातडीने खाजगी रुग्णालयात आणि त्यानंतर गंभीर प्रकृतीमुळे पाटण्याला हलवण्यात आले होते.

घरमालकावर कठोर कारवाईसाठी रास्ता रोको

तरुणाच्या मृत्यूची बातमी समजताच संतप्त नातेवाईकांनी आणि गावकऱ्यांनी समस्तीपूर-पाटणा मुख्य मार्ग रोखून धरला. मृतदेह रस्त्यावर ठेवून आंदोलकांनी टायर जाळून जोरदार निदर्शने केली. आरोपी घरमालकावर कठोर कारवाई करावी, एफआयआर दाखल करावा आणि पीडित कुटुंबाला नुकसानभरपाई द्यावी, अशी मागणी करत आंदोलकांनी रस्ता जाम केला. यामुळे अनेक तास वाहतुकीची मोठी कोंडी झाली आणि प्रवाशांचे प्रचंड हाल झाले.

हे ही वाचा : केबिनमध्ये बोलवून विद्यार्थ्यांसोबत अश्लील चाळे, नामांकित शाळेतील प्रकार; मुख्याध्यापकाला पालकांनी दिला चोप

आरोपीचा शोध सुरु

घटनेची माहिती मिळताच पोलीस घटनास्थळी दाखल झाले. आंदोलकांना शांत करण्याचा प्रयत्न करताना पोलीस आणि नागरिक यांच्यात काही वेळ बाचाबाचीही झाली. अखेर वरिष्ठ अधिकाऱ्यांनी याप्रकरणी सखोल चौकशी करून दोषींवर कडक कारवाई करण्याचे आश्वासन दिल्यानंतर रस्ता रोको मागे घेण्यात आला. सध्या पोलीस या प्रकरणाचा सर्व बाजूंनी तपास करत असून आरोपीचा शोध घेतला जात आहे.