सांगली: 4 वर्षाच्या मुलीवर 46 वर्षीय पुरूषाकडून अत्याचार, खून करत पेटीत भरला मृतदेह

हे ही वाचा : वर्ग सुरू असतानाच मुख्याध्यापकाने काढली पँट, विद्यार्थ्यांसोबत अश्लील चाळे

पीडित चिमुरडीची आई माहेरी 

ज्या चिमुरडीवर अत्याचार करून खून करण्यात आली ती तिच्या आजीकडे राहत होती. तिची आई ही काही दिवसांसाठी कर्नाटकातील मुधोळे येथे माहेरी गेली होती. तर वडील बांधकाम मजुरीसाठी रत्नागिरीला गेले होते. मुलीच्या घरापासून काहीच अंतरापासून आरोपी पांडुरंग सोमलिंग कळ्ळी या आरोपीचे घर होते. 

मुलगी घराबाहेर खेळताना अचानकपणे बेपत्ता

2 फेब्रुवारी 2025 रोजी सकाळी मुलगी घराबाहेर खेळताना अचानकपणे बेपत्ता झाली. कुटुंबीयांनी त्वरित तिचा शोध घेण्यास सुरूवात केली. संबंधित प्रकरणाची गावकऱ्यांना माहिती देत शोध सुरू केला. या घटनेची पोलिसांना माहिती देण्यात आली होती. मुलीच्या घरामागे राहणारा पांडुरंग हा शोध मोहिमेत सामील झाला होता. मात्र, त्याच्या हालचाली संशयास्पद वाटल्याने पोलिसांनी त्याला ताब्यात घेतलं. 

प्लास्टिकच्या पिशवीत मृतदेह

सुरूवातीला पोलिसांची दिशाभूल करण्याचा त्याने प्रयत्न केला. पोलिसांचा दबाव वाढण्यात आला असता, मृतदेह प्लास्टिकच्या पिशवीत बांधलेल्या स्वरुपात आढळला होता. चिमुरड्या मुलीवर अत्याचार करून खून केल्याच्या घटनेनं संपूर्ण जिल्हा हादरून गेला आहे. या घटनेनं नागरिकांच्या मनात संतापाची लाट उसळली आहे. 

हे ही वाचा : 42 वर्षीय घरमालकाकडून 10 वर्षीय चिमुरडीवर लैंगिक अत्याचार, पीडितेच्या आईची पोलीस ठाण्यात तक्रार

घटनेची गंभीर दखल घेत पोलिसांनी तातडीने तपास करून अवघ्या 15 दिवसांत न्यायालयात दोषारोपपत्र दाखल केले. सरकारी वकील प्रमोद भोकरे यांनी आरोपीला फाशीची शिक्षा द्यावी अशी मागणी केली आहे. आरोपी पांडुरंग कळ्ळी याला न्यायालयाने दोषी धरून मरेपर्यंत फाशीची शिक्षा सुनावलीय.