सांगली : आईने सव्वा वर्षाच्या चिमुकलीला कात्रीने वार करुन संपवलं, जराही दया-माया दाखवली नाही

हेही वाचा : Personal Finance: तुमच्या घरातील कोणत्या वस्तूंचा Insurance असायला हवा आणि कोणाचा नसावा?

चिमुकल्या श्रीशावर कात्रीने हल्ला

मिळालेल्या माहितीनुसार, अनिता क्षीरसागर यांचा महादेव क्षीरसागर यांच्याशी सुमारे दोन वर्षांपूर्वी विवाह झाला होता. महादेव क्षीरसागर यांचे शिरढोण येथे हेअर कटिंगचे दुकान आहे. अनिता यांच्यावर गेल्या काही महिन्यांपासून सांगली येथील मानसिक आरोग्य रुग्णालयात उपचार सुरू असल्याची माहिती समोर आली आहे. मात्र, या उपचारासंबंधी अधिकृत माहिती अद्याप पोलिसांकडून स्पष्ट करण्यात आलेली नाही. क्षीरसागर यांच्या घरातील काही सदस्य एका कार्यक्रमानिमित्त कोल्हापूर येथे गेले असताना ही घटना घडल्याचे सांगण्यात येत आहे. यावेळी चिमुकल्या श्रीशावर कात्रीने हल्ला करण्यात आल्याचे सांगण्यात आले आहे.

हेही वाचा : विश्वजीत कदम म्हणाले घर बांधून देतो, विवेकानंद पाटीलने नकार का दिला?

गंभीर जखमी झालेल्या श्रीशाचा जागीच मृत्यू

या हल्ल्यात गंभीर जखमी झालेल्या श्रीशाचा जागीच मृत्यू झाला. घटनेची माहिती मिळताच कवठेमहांकाळ पोलीस ठाण्याचे अधिकारी आणि अंमलदार घटनास्थळी दाखल झाले. पोलिसांकडून घटनास्थळाचा पंचनामा करण्याचे काम सुरू करण्यात आले आहे. तसेच फॉरेन्सिक लॅबची टीमही घटनास्थळी दाखल झाली असून घटनास्थळावरून पुरावे संकलित करण्याचे काम सुरू आहे. या प्रकरणी पोलिसांनी अनिता क्षीरसागर हिला ताब्यात घेतले आहे. घटनेनंतर परिसरातील नागरिकांनी घटनास्थळी गर्दी केली.

दरम्यान, या घटनेमागील नेमके कारण काय, याचा तपास कवठेमहांकाळ पोलीस करत आहेत. चिमुकल्या मुलीवर कात्रीने हल्ला नेमका कशामुळे करण्यात आला, याबाबत पोलिसांकडून तपास केला जात आहे. घटनेशी संबंधित पुरावे संकलित करण्याचे काम सुरू असून फॉरेन्सिक लॅबच्या पथकाकडूनही घटनास्थळी तपासणी करण्यात येत आहे. या प्रकरणातील पुढील तपास कवठेमहांकाळ पोलिसांकडून सुरू आहे.