चाकूने केले सपासप वार

पीडित तरुणीने दिलेल्या माहितीनुसार, ती स्कूटीवरून जात असताना अचानक मागून आलेल्या एका तरुणाने तिच्यावर चाकूने सपासप वार केले. सुरुवातीला आपल्याला कुणी मारले हे तिला समजलेच नाही, कारण आरोपीने पाठीमागून हल्ला केला आणि तो लगेचच फरार झाला. पोलिसांनी दिलेल्या माहितीनुसार, या आरोपीचे नाव सागर ऊर्फ सूरज जाटव असे असून तो आणि पीडित तरुणी एकमेकांना पूर्वीपासून ओळखत होते.

हे ही वाचा : 'डोळ्यांदेखत पीक करपून गेलं...' बीडमधील तरुण शेतकऱ्यानं संपवलं जीवन, ग्रामस्थांची मागणी काय?

दोन वर्षांपासून प्रेमसंबंध

पोलिसांनी सांगितले की, आरोपी आणि सदर तरुणीचे गेल्या दोन वर्षांपासून प्रेमसंबंध होते. मात्र, काही काळापूर्वी तरुणीने त्याच्याशी बोलणे आणि संपर्क ठेवणे बंद केले होते. याच गोष्टीचा राग मनात धरून आरोपीने तरुणीवर हा भ्याड हल्ला केला. सुदैवाने, हल्ल्यानंतर तरुणीला तात्काळ रुग्णालयात दाखल करण्यात आले असून सध्या तिची प्रकृती धोक्याबाहेर असल्याचे सांगण्यात आले आहे.

हे ही वाचा : "माझ्या यशाचे श्रेय घेण्याचा प्रयत्न, मी त्यांच्याप्रमाणे पक्ष बदलणार नाही", स्वीडनमधून पुतणीचा विखेंना टोमणा

दीड तासात आरोपीला अटक

दिवसाढवळ्या घडलेल्या या चाकूहल्ल्याच्या घटनेनंतर कोतवाली पोलिसांनी तातडीने सूत्रे हलवली. आरोपीच्या शोधासाठी विविध पथके नेमून परिसराची नाकाबंदी करण्यात आली आणि अवघ्या दीड तासात टिकुरिया टोला परिसरातून आरोपीला अटक करण्यात आली. चौकशीदरम्यान आरोपीने गुन्ह्याची कबुली दिली असून, त्याच्यावर हत्येच्या प्रयत्नाचा गुन्हा दाखल करण्यात आला आहे. त्याला न्यायालयात हजर केले असता, न्यायालयाने त्याची रवानगी थेट कारागृहात केली आहे.