सुनेकडे प्रचंड वासनेने पाहणाऱ्या सासऱ्याने स्वत:च्याच मुलाला 'असं' संपवलं, समोर आली Inside Story

सुनेच्या प्रेमात पडला सासरा 

आग्रामध्ये जगदीशपुरा पोलीस स्टेशन परिसरातील लडमडा गावात ही धक्कादायक घटना घडल्याचं समोर आलं आहे. याच गावाचा रहिवासी असलेला चरण सिंग नावाचा व्यक्ती आपला मुलगा पुष्पेंद्र सिंगसोबत राहत होता. मुलाच्या लग्नानंतर चरण सिंगला आपली सून आवडायला लागली. त्याचं तिच्या सुनेवर प्रेम जडलं. मात्र, मुलाला या गोष्टीची माहिती मिळताच त्याचा प्रचंड संताप झाला आणि त्याने या सगळ्याला विरोध केला. 

या प्रकारामुळे पुष्पेंद्र आपल्या वडिलांचं घर सोडून पत्नीसोबत मथुरामध्ये राहायला गेला. 14 मार्च रोजी होळी सणाच्या दिवशी पुष्पेंद्र होळी साजरी करण्यासाठी पत्नीसोबत आपल्या वडिलांच्या घरी आला. 

होळीच्या दिवशी केली मुलाची हत्या

पुष्पेंद्र आपल्या पत्नीसोबत होळी खेळण्यासाठी घरी आल्यानंतर त्याचे वडील चरण सिंगने पुन्हा आपल्या सुनेशी असभ्य वर्तन केले. याच गोष्टीवर मुलगा आणि वडिलांमध्ये मोठा वाद सुरू झाला. त्यावेळी संतापलेल्या वडिलांनी आपला मुलगा पुष्पेंद्रच्या छातीवर लोखंडाच्या रॉडने हल्ला केला आणि या हल्ल्यात मुलाचा मृत्यू झाला. 

हे ही वाचा: सौंदर्याची खाण असलेल्या सुनेवर सासरा झाला फिदा, झाली 'ती' वासना; नंतर मुलासोबतच...

आत्महत्या केल्याचं भासवलं

आपल्या मुलाची हत्या केल्याचे पुरावे लपवण्यासाठी चरण सिंगने एक वेगळाच कट रचला. त्याने आपल्या मुलाची लोखंडी रॉडने मारहाण करत हत्या केली. त्यानंतर चरण सिंगने मुलाच्या छातीवरच्या जखमेत काडतूस घातलं आणि पोलिसांना माहिती देताना आपल्या मुलाने आत्महत्या केल्याचं त्याने सांगितलं. 

4 महिन्यांच्या तपासानंतर आरोपीला अटक

जवळपास 4 महिन्यांच्या तपासानंतर प्रकरणातील सत्य घटनेचा उलगडा करण्यात आला आणि आरोपीला ताब्यात घेण्यात आलं. त्यावेळी तपासात चरण सिंगनेच आपल्या मुलाची हत्या केल्याचं समोर आलं. सगळ्या गोष्टींचा खुलासा झाल्यानंतर आरोपीला ताब्यात घेण्यात आलं आणि त्याला तुरुंगात पाठवण्यात आलं. 

हे ही वाचा: मेव्हणीसाठी दाजी झाला पार दिवाणा.. हाती लागेना म्हणून केला भलताच धिंगाणा

सुनेवरच्या प्रेमामुळे मुलाची हत्या

एसीपी यांनी सांगितल्याप्रमाणे, चार महिन्यांच्या तपासानंतर फॉरेन्सिक तपासणी आणि इतर साक्षीदारांच्या जबाबाच्या आधारे आरोपीला अटक करण्यात आली. सुरुवातीला या प्रकरणाच्या चौकशीत पुष्पेंद्रने आत्महत्या केल्याचं भासवण्यात आलं. मात्र, तपासणी केल्यानंतर सुनेवर असलेल्या प्रेमामुळे मुलगा आणि वडिलांमध्ये वादाची स्थिती असल्याचं सत्य उघडकीस आलं.