राजा रघुवंशीच्या हत्येच्या काही मिनिटांआधीचा Video आला समोर, सोनमच्या हातात काय होतं?

ट्रॅकिंग की हत्येसाठी रेकी?

23 मे रोजी सकाळी 9.45 वाजताचा हा व्हिडिओ 'डबल डेकर रूट ब्रिज'जवळ रेकॉर्ड करण्यात आला होता. त्याच दिवशी दुपारी 2 वाजता राजाची हत्या करण्यात आलेली. सोनम तिच्या पतीला त्याच जंगलात घेऊन जात होती जिथे मारेकरी आधीच लपले होते? असा सवाल आता विचारला जात आहे.

हे ही वाचा>> दुप्पट वयाच्या पतीसोबत नव्हते ठेवायचे शारीरिक संबंध फक्त हवी होती 'ही' गोष्ट.. सांगलीतील पतीच्या हत्या प्रकरणात नवा ट्विस्ट

सीसीटीव्ही फुटेज आणि व्हिडिओमधील सोनमचे कपडे मिळतेजुळते? 

व्हायरल व्हिडिओमध्ये सोनम पांढऱ्या रंगाच्या टॉपमध्ये दिसत आहे. २२ मे रोजी हॉटेलबाहेर लावलेल्या सीसीटीव्ही फुटेजमध्येही सोनम याच कपड्यांमध्ये दिसून आली होती. याचा अर्थ व्हिडिओमध्ये दिसणारी महिला सोनम आहे, यात काही शंका नाही. अशा परिस्थितीत, आता पोलीस सोनम आणि राजा कुठे जात होते आणि का जात होते हे शोधण्यासाठी या नव्या व्हिडिओच्या माध्यमातून त्या परिसराचा देखील मागोवा घेत आहेत

सोनमचे ठरवला होता ट्रेकिंगचा मार्ग?

देव सिंग नावाच्या एका पर्यटक फोटोग्राफरने हा व्हिडिओ रेकॉर्ड केला आणि तो सोशल मीडियावर शेअर केला होता. त्याने लिहिले की, हे जोडपं खाली येत असताना त्याला भेटलं होतं. म्हणजेच सोनम आणि राजा ट्रेकिंगवरून परतत होते, पण जर ते परतत असतील तर दुपारी अचानक राजा कुठे आणि कसा गायब झाला? या ट्रेकिंग मार्गावर कोणी त्याचा घात करण्यासाठी वाट पाहत होते का?

हे ही वाचा>> सोनम अन् तिच्या बॉयफ्रेंडचा 'तो' फोटो व्हायरल! कुठे क्लिक केला...खळबळजनक माहिती आली समोर

पळून जाण्याचा विचार

राजाच्या हत्येनंतर सोनम उत्तर प्रदेशातील गाजीपूरला पोहोचली. सोनमला तिथल्या एका ढाब्यावर पाहिले गेले, जिथे उजाला यादव नावाच्या महिलेने तिला ओळखले. सोनम गोरखपूरला जाऊ इच्छित होती आणि ती वारंवार दिशा विचारत होती. त्यामुळे तिचा भारतातून नेपाळला पळून जाण्याचा प्रयत्न होता असाही निष्कर्ष काढला जात आहे.

उजाला यादवचा जबाब महत्त्वाचा

उजाला यादवने सांगितले की, सोनम तिच्यासोबत गाझीपूरला बसने आली होती. सोनम घाबरली होती आणि वारंवार फोन मागत होती. जेव्हा तिने टीव्हीवर सोनमचे वृत्त पाहिले तेव्हा तिने तिला ओळखले. तिने ताबडतोब पोलिसांना याबद्दल माहिती दिली. हा जबाब आता पोलिसांच्या तपासाचा एक महत्त्वाचा भाग बनला आहे.

ट्रॅकिंग व्हिडिओचा तपास सुरू

'ऑपरेशन हनिमून' अंतर्गत, पोलीस 48 सीसीटीव्ही कॅमेरे, रेनकोट, हत्येत वापरलेले शस्त्र आणि सोनमच्या व्हिडिओचे फुटेज तपासत आहेत. हा व्हिडिओ हे सिद्ध करण्यासाठी पुरेसा आहे की, सोनम हत्येच्या अगदी आधी राजाला एका निर्जन ठिकाणी घेऊन जात होती. अशा परिस्थितीत, प्रश्न असा आहे की हे सर्व राजाला बळी बनवण्यासाठी केले गेले होते का?

राजाच्या हत्येमागचं गूढ वाढलं

राजा रघुवंशीच्या हत्येचे गूढ अधिक वाढत चाललं असून हे प्रकरण गुंतागुंतीचे होत आहे. सोनम आणि तिचा प्रियकर राज कुशवाहासह चार आरोपींना अटक करण्यात आली आहे. पोलिसांकडे ठोस पुरावे आहेत, परंतु जंगलातील व्हिडिओ अनेक नवीन प्रश्न उपस्थित करत आहे - जसे की हत्येचे ठिकाण आधीच निश्चित केले गेले होते का?