होणाऱ्या नवऱ्यासमोर तरुणीवर सामूहिक बलात्कार, पोलिसांनी रगेल आरोपीच्या थेट पायावरच झाडल्या गोळ्या!

आरोपीला पकडताना दोन्ही बाजूंनी जोरदार गोळीबार, काय घडलं?

आरोपी बबलू सिंह पकडला जात नसल्याने पीडितेच्या होणाऱ्या नवऱ्याने एक व्हिडिओ जारी करून पोलीस प्रशासनावर गंभीर आरोप केले होते. पोलिसांनी आरोपीला पकडण्याऐवजी आपल्यालाच घरात बंदी बनवून ठेवल्याचे त्याने म्हटले होते, मात्र पोलिसांनी सुरक्षेच्या कारणास्तव हे करण्यात आल्याचे केल्याचे स्पष्ट केले होते. मुख्य आरोपी पकडला जात नसल्याने वाढता दबाव पाहता पोलिसांनी बबलूच्या अटकेसाठी खागा, हतगाव, थरियाव आणि एसओजी (SOG) या चार पथकांची संयुक्त टीम तयार केली होती. रात्रीच्या वेळी आरोपीच्या लोकेशनची माहिती मिळताच पोलिसांनी परिसराची पूर्णपणे नाकेबंदी केली. आरोपीने पळून जाण्याचा प्रयत्न केला असता दोन्ही बाजूंनी जोरदार गोळीबार झाला, ज्यामुळे संपूर्ण परिसर हादरून गेला होता.

हेही वाचा : डोंबिवली हादरलं! मित्राचा रुग्णालयात मृत्यू, आई-वडील बाहेरगावी असताना तरुणानं गळफास घेत संपवलं जीवन

चकमकीनंतर शस्त्रे आणि रोख रक्कम जप्त; आरोपी पोलिसांच्या ताब्यात 

पोलीस चकमकीत जखमी झालेल्या बबलू सिंहला ताब्यात घेतल्यानंतर पोलिसांनी त्याच्याकडून मोठ्या प्रमाणावर आक्षेपार्ह साहित्य जप्त केले आहे. आरोपीकडे 4 रिकामी काडतुसे आणि बंदुकीच्या नालीत अडकलेले एक जिवंत काडतूस सापडले आहे. याशिवाय त्याच्याकडून 1600 रुपये रोख रक्कमही जप्त करण्यात आली आहे. गेल्या दोन आठवड्यांपासून पोलीस यंत्रणेला आव्हान देणारा नराधम अखेर पोलिसांच्या जाळ्यात अडकला आहे. ही चकमक इतकी प्रखर होती की बराच वेळ गोळीबार सुरू होता, मात्र पोलिसांनी योग्य रणनीती आखून आरोपीला जखमी अवस्थेत जेरबंद केले.

इतर महत्त्वाच्या बातम्या 

ex-IAF officer, सुवेंदू अधिकारींचे राईट हँड बनले, मर्डर झालेले Chandranath Rath कोण होते? 

जिल्हा रुग्णालयात उपचार सुरू; 13 दिवसांचा तपास यशस्वी

28 वर्षीय बबलू सिंह सध्या पोलिसांच्या कडा पहाऱ्यात जिल्हा रुग्णालयात उपचार घेत आहे. पोलिसांनी दिलेल्या माहितीनुसार, आरोपीच्या पायांना जखम झाली असून त्याची प्रकृती स्थिर आहे. उपचार पूर्ण झाल्यानंतर त्याला न्यायालयात हजर केले जाईल आणि कायदेशीर प्रक्रियेला वेग दिला जाईल. 24 एप्रिलपासून सुरू असलेला हा तपास यशस्वी करण्यात पोलिसांच्या संयुक्त पथकाचा मोठा वाटा आहे. या अटकेमुळे प्रकरणाचा गुंता सुटण्यास मदत होणार असून, पीडितेला लवकरात लवकर न्याय मिळवून देण्याचे आश्वासन पोलीस प्रशासनाने दिले आहे. आरोपीने पोलिसांवर गोळीबार करून पळून जाण्याचा प्रयत्न केल्याने त्याच्यावर आता हत्येचा प्रयत्न आणि शस्त्र कायद्यांतर्गत अतिरिक्त गुन्हे दाखल करण्यात आले आहेत.