सापळा रचून आरोपीला अटक

सुरुवातीला अमनच्या कुटुंबीयांनी त्याच्या तीन मित्रांवर संशय व्यक्त केला होता, मात्र पोलिसांच्या तपासात ते निर्दोष आढळले. त्यानंतर पोलिसांनी तांत्रिक तपासावर भर देत परिसरातील CCTV फुटेज आणि कॉल डिटेल्सची कसून चौकशी केली. या तपासात जखीरा येथील १९ वर्षीय समद मूसा याच्यावर पोलिसांचा संशय बळावला. पोलिसांनी सापळा रचून समदला भाजी मंडई परिसरातून अटक केली. चौकशीदरम्यान समदने आपला गुन्हा कबूल केला असून हत्येमागील कारण ऐकून पोलीसही थक्क झाले.

हे ही वाचा : बाळासाहेब ठाकरेंचे व्यंगचित्र वापरुन कुणाल कामराचे हक्कभंग समितीला स्पष्टीकरण, एकनाथ शिंदेंना पुन्हा डिवचलं

इन्स्टाग्रामवर आक्षेपार्ह कमेंट

समद आणि अमन यांची मैत्री सहा महिन्यांपूर्वी इन्स्टाग्रामच्या माध्यमातून झाली होती. समद जेव्हा जेव्हा इन्स्टाग्रामवर रील पोस्ट करायचा, तेव्हा अमन त्यावर अर्वाच्य आणि आक्षेपार्ह कमेंट्स करायचा. या कारणावरून त्यांच्यात फोनवर अनेकदा भांडणे आणि शिवीगाळ झाली होती. अमनच्या या वागणुकीचा राग मनात धरून समदने त्याला कायमचे संपवण्याचा कट रचला. ७ एप्रिल रोजी समदने अमनला भेटण्यासाठी बोलावले आणि दोघेही बोलत बोलत रेल्वे ट्रॅकच्या बाजूला असलेल्या निर्जन ठिकाणी गेले.

हे ही वाचा : सहकारी महिलेच्या छातीकडे टक लावून पाहणे, 'चोरून पाहण्याच्या' गुन्ह्यात मोडत नाही, हायकोर्टाने ‘ती’ FIR केली रद्द

विटांनी केला हल्ला

संधी मिळताच समदने अमनला धक्का देऊन खाली पाडले आणि जवळच पडलेल्या विटांनी त्याच्या डोक्यावर व चेहऱ्यावर सपासप वार केले. हत्येनंतर पुरावा नष्ट करण्यासाठी त्याने मृतदेह ओढत नेऊन एका पडक्या खोलीत लपवून ठेवला. अमनचा मृत्यू झाला आहे याची खात्री करण्यासाठी त्याने पुन्हा एकदा त्याच्यावर वार केले. पोलिसांनी समदच्या सांगण्यावरून हत्येत वापरलेली रक्ताने माखलेली वीट जप्त केली आहे. सध्या आरोपीची रवानगी तुरुंगात करण्यात आली असून पोलीस पुढील कायदेशीर कारवाई करत आहेत.