मौलानाचा शेजारच्या अल्पवयीन मुलीवर बलात्कार, पोट दुखू लागल्याने रुग्णालयात नेलं अन्

रुग्णालयात उघड झाले रहस्य, घरीच झाला जन्म

पीडितेचे कुटुंब मूळचे अमरोहा येथील असून ते येथे मजुरीचे काम करतात. कुटुंबीयांच्या म्हणण्यानुसार, 14 फेब्रुवारीच्या रात्री आठच्या सुमारास त्यांच्या मुलीच्या पोटात तीव्र वेदना होऊ लागल्याने त्यांनी तिला एका खासगी रुग्णालयात नेले. तेथे डॉक्टरांनी मुलगी गर्भवती असल्याची माहिती देताच कुटुंबीयांना धक्का बसला. ते मुलीला घेऊन घरी आले, जिथे तिने एका मुलीला जन्म दिला. यानंतर मुलीची विचारपूस केली असता, तिने शेजारी राहणाऱ्या मौलानाचे सत्य सांगितले.

धमकावून करायचा अत्याचार

पीडितेने पोलिसांना सांगितले की, शेजारी मौलाना इस्लाम तिला घरात एकटी पाहून तिच्यावर बलात्कार करायचा. आरोपीने तिला इतके घाबरवले होते की, ती आपल्या कुटुंबीयांना काहीही सांगू शकली नाही. पीडितेला तिच्या शारीरिक स्थितीबद्दल काहीच कळले नाही आणि कुटुंबीयांनाही याचा थांगपत्ता लागला नाही. मौलानाने शेजारी राहण्याच्या विश्वासाचा गैरफायदा घेत हे घृणास्पद कृत्य केले.

आरोपीला अटक, आई आणि बाळ सुखरूप

कोतवाली प्रभारींनी सांगितले की, माहिती मिळताच पोलिसांनी अल्पवयीन आई आणि तिच्या नवजात बाळाला 'वन स्टॉप सेंटर'मध्ये पाठवले आहे, जिथे दोघेही निरोगी आहेत. मुलीची वैद्यकीय तपासणी करून कुटुंबीयांचे जबाब नोंदवण्यात आले आहेत. पोलिसांनी तातडीने कारवाई करत 18 फेब्रुवारी रोजी आरोपी इस्लामला अटक केली. पोलीस आता या प्रकरणी पुढील कायदेशीर कारवाई करत आहेत.

इतर महत्त्वाच्या बातम्या 

पुरुषासारखी चाल आणि बुटांमुळे उलगडलं सत्य, मुंबई लोकल ट्रेनच्या लेडीज डब्यातून बुरखा परिधान करणारा पुरुष ताब्यात