लग्नाचा तिसरा वाढदिवस पण रोशनीचं भयंकर पाऊल, बाळाला दुसऱ्या मजल्यावरुन...

हेही वाचा : वर्गमैत्रिणीच्या घरी गेला अन् गळफास घेतलेल्या अवस्थेत आढळला मृतदेह, दहावीच्या विद्यार्थ्यासोबत काय घडलं?

या घटनेत तिची 14 महिन्यांची मुलगीही दुसऱ्या मजल्यावरून खाली फेकली गेली होती. मात्र, मुलीचे वडील नूर आलम यांनी तिला पकडल्याने ती गंभीर दुखापतीतून बचावली. सध्या मुलीची प्रकृती धोक्याबाहेर असल्याचे सांगण्यात आले आहे. या घटनेमुळे परिसरात चर्चा सुरू झाली आहे.

लग्नाच्या तिसऱ्या वाढदिवस, पण रोशनीची आत्महत्या 

रोशनीच्या कुटुंबीयांनी दिलेल्या माहितीनुसार, 7 ऑक्टोबरच्या रात्री रोशनी आणि नूर आलम यांनी त्यांच्या लग्नाचा तिसरा वाढदिवस साजरा केला होता. या वेळी दोघांनी केक कापला आणि एकत्र जेवणही केले. मात्र, त्याच रात्री नूर आलम आणि रोशनीची बहीण इशरत यांच्यात वाद झाला. त्यानंतर इशरत घर सोडून जाण्याचा प्रयत्न करत होती. रोशनीने तिला थांबवण्याचा प्रयत्न केला; मात्र इशरतने थांबण्यास नकार दिला. या घटनेनंतर घरात नेमके काय घडले, याबाबतची सर्व माहिती अद्याप समोर आलेली नाही.

या वादानंतर रोशनीने आपल्या 14 महिन्यांच्या मुलीला दुसऱ्या मजल्यावरून खाली फेकले आणि त्यानंतर स्वतःही उडी मारली. मुलीचे वडील नूर आलम यांनी तिला पकडल्याने तिचा जीव वाचला. त्यानंतर आई आणि मुलगी या दोघींनाही रुग्णालयात दाखल करण्यात आले. डॉक्टरांनी मुलीची प्रकृती धोक्याबाहेर असल्याचे सांगितले. मात्र, रोशनीची प्रकृती गंभीर असल्याने तिला पुढील उपचारांसाठी दुसऱ्या रुग्णालयात हलवण्यात आले. तिथे उपचार सुरू असताना 11 ऑक्टोबर रोजी तिचा मृत्यू झाला. तिच्या मृत्यूनंतर गुजैनी पोलिसांनी मृतदेह शवविच्छेदनासाठी पाठवला.

पोलिसांच्या माहितीनुसार, सुरुवातीला कुटुंबीय शवविच्छेदन करण्यास तयार नव्हते. मात्र, पोलीस ठाण्याचे प्रभारी राजन शर्मा यांनी समजावल्यानंतर कुटुंबीयांनी त्यास सहमती दिली. या प्रकरणी वृत्त देण्यात आले त्या वेळेपर्यंत पोलिसांना कोणतीही अधिकृत तक्रार प्राप्त झाली नव्हती. तक्रार दाखल झाल्यास उपलब्ध तथ्यांच्या आधारे तपास करून योग्य ती कायदेशीर कारवाई केली जाईल, असे राजन शर्मा यांनी सांगितले. दरम्यान, रोशनीने हे टोकाचे पाऊल नेमक्या कोणत्या परिस्थितीत उचलले, याचे कारण अद्याप स्पष्ट झालेले नाही. या घटनेतील घटनाक्रम आणि त्यामागील परिस्थिती स्पष्ट करण्यासाठी पुढील तपास महत्त्वाचा ठरणार आहे.