हे ही वाचा : महाराष्ट्र हादरला! भावाने सख्ख्या बहिणीचा तलवारीने गळा चिरला; जन्मदात्या आईला सुद्धा सोडलं नाही...

महिन्यापूर्वी झाले होते लग्न

मुलीचे वडील त्रिवेणी मौर्य यांच्या पहिल्या पत्नीचे निधन झाले होते. पहिल्या पत्नीपासून त्यांना आदिती नावाची 3 वर्षांची मुलगी होती. मुलीचा सांभाळ व्हावा आणि घराला आधार मिळावा, या उद्देशाने त्रिवेणी यांनी 25 जानेवारी 2026 रोजी दुसरे लग्न केले होते. मात्र, लग्नाला महिना उलटत नाही तोच या सावत्र आईने पोटच्या मुलीप्रमाणे सांभाळ करण्याऐवजी तिचे आयुष्य संपवले.

'अशी' केली हत्या

घटनेच्या रात्री नेमकं काय घडलं, याबाबत ग्रामस्थांनी धक्कादायक माहिती दिली आहे. रात्री 12 च्या सुमारास या महिलेने चिमुरड्या अदितीला तेल आणि कुंकू लावून तयार केले. त्यानंतर तिला घरातील देवघरापाशी नेऊन कुऱ्हाडीने तिचा गळा चिरला. ही घटना नरबळीचा प्रकार असावा, असा संशय काही ग्रामस्थांनी व्यक्त केला आहे. घरात काहीतरी हालचाल होत असल्याचे लक्षात येताच बाहेर झोपलेल्या त्रिवेणी यांनी आत जाऊन पाहिले, तेव्हा हा भयानक प्रकार उघडकीस आला.

हे ही वाचा : दोन महिन्यांच्या तान्हुल्याचा रडण्याचा आवाज आला, आईने तोंडात बोळा कोंबून पेटत्या चुलीत फेकलं!

आरोपी महिलेचा पळून जाण्याचा प्रयत्न फसला

आरोपी महिलेने घटनास्थळावरून पळून जाण्याचा प्रयत्न केला, मात्र ग्रामस्थांनी तिला पकडून पोलिसांच्या हवाली केले. पोलीस अधीक्षक आणि इतर वरिष्ठ अधिकाऱ्यांनी घटनास्थळाची पाहणी केली असून मृतदेह पोस्ट मार्टमसाठी पाठवण्यात आला आहे. 'आम्ही महिलेला ताब्यात घेतले असून तिची चौकशी सुरू आहे. ही हत्या नेमकी कोणत्या कारणातून आणि कोणत्या मानसिकतेतून करण्यात आली, याचा तपास पोलीस करत आहेत,' असे पोलीस अधिकाऱ्यांनी सांगितले.