हे ही वाचा : कांद्याच्या पिकात अफूची लागवड, उपतालुका प्रमुखाचा प्रताप समोर येताच ओमराजे निंबाळकरांचा मोठा निर्णय

फेसबुकवरुन झाली ओळख

मूळचे तालबेहट येथील रहिवासी असलेले जगभान कुटुंबाच्या उदरनिर्वाहासाठी आणि मुलांच्या शिक्षणासाठी दरमहा 20 हजार रुपये घरी पाठवत असत. मात्र, याच काळात साधारण सहा महिन्यांपूर्वी किरणची ओळख फेसबुकच्या माध्यमातून शिवकुमार लोधीशी झाली. या ओळखीचे रुपांतर लवकरच प्रेमात झाले. जगभान कामावर असताना किरण अनेकदा आपल्या प्रियकराला भेटायला जात असे. पतीला या प्रकरणाची कुणकुण लागताच त्याने विरोध केला. यामुळे घरात सदद वाद होऊ लागले. या वादातून सुटका मिळवण्यासाठी आणि प्रियकरासोबत राहण्यासाठी किरणने पतीच्या हत्येचा कट रचला.

बायकोनेच विकत घेतली बंदूक

या हत्येच्या कटात सर्वात धक्कादायक बाब म्हणजे, पतीला मारण्यासाठी वापरलेले शस्त्र किरणने स्वतःच्या पैशातून विकत घेतले होते. तिने प्रियकर शिवकुमारला बंदूक खरेदी करण्यासाठी 9 हजार रुपये दिले होते. 31 जानेवारीच्या रात्री किरणने एका बहाण्याने पतीला बोलावून घेतले, जिथे दबा धरून बसलेल्या शिवकुमारने जगभान यांच्या डोक्यात गोळी झाडली. हत्या केल्यानंतर आरोपी शिवकुमार मध्य प्रदेशात पळून गेला होता, मात्र पोलिसांनी त्याला आणि त्याच्या मित्राला बेड्या ठोकल्या.

हे ही वाचा : अहिल्यानगर : वर्गशिक्षकाकडून 4 विद्यार्थीनींवर लैंगिक अत्याचार, नराधम न्यायालयाजवळ पोहोचताच महिलांनी झोडपलं

सुखी संसाराचा अंत

पोलिसांनी दिलेल्या माहितीनुसार, किरणने सुरुवातीला पती दारु पिऊन मारहाण करत असल्याचा आरोप करत स्वतःचा बचाव करण्याचा प्रयत्न केला. मात्र, कॉल रेकॉर्ड्स आणि सखोल चौकशीनंतर तिने आपला गुन्हा कबूल केला आहे. पोलिसांनी घटनास्थळावरून हत्येसाठी वापरलेली बंदूक, काडतूस आणि मोबाईल फोन जप्त केला आहे. सध्या पोलीस कोठडीत असलेल्या या तिन्ही आरोपींची रवानगी तुरुंगात करण्यात आली असून, एका सुखी संसाराचा अंत अशा प्रकारे रक्तरंजित झाल्याने परिसरात हळहळ व्यक्त होत आहे.