Pune Crime: घरासमोर लघुशंका करताना थांबवलं, पुण्यात मुजोर तरूणांनी महिलेचा जीवच घेतला..

नेमकी घटना काय?

ही घटना 27 डिसेंबर 2024 रोजी घडली आणि गंभीर जखमी झालेल्या शीतलचा बुधवारी (1 जानेवारी) मृत्यू झाला. याबाबत शीतलचा पती अक्षय याने पोलीस ठाण्यात फिर्याद दिली आहे. डीसीपी राजकुमार शिंदे यांनी या प्रकरणाची माहिती दिली आहे.

हे ही वाचा>> Thane Jail : कैद्याची एक चप्पल जड आणि एक हलकी वाटली...अधिकाऱ्यांनी तपास केला असता ठाणे कारागृहात काय सापडलं?

वास्तविक, पुणे-सोलापूर महामार्गावर थेऊर परिसरात हॉटेल आहे. या हॉटेलच्या शेजारी असलेल्या मोकळ्या जागेत अक्षय चव्हाण हे पत्नी शीतल चव्हाण व कुटुंबासह राहतात. अक्षय त्याच ठिकाणी सुरक्षा रक्षक म्हणून काम करतो.

याच ठिकाणी 27 डिसेंबर 2024 रोजी सकाळी सहा-सात तरुण कारमधून खाली उतरले. काही लोक मोकळ्या जागेवर ते लघवी करू लागले. अक्षय चव्हाण याने त्यांना तसं करण्यास अडवलं. ज्यावरून बराच वाद झाला. ज्याचं रुपांतर हे हाणामारीमध्ये झालं. यावेळी दोन्ही गटात तुफान हाणामार झाली. दरम्यान, आरोपींनी चव्हाण कुटुंबीयांवर जोरदार दगडफेक सुरू केली. दरम्यान, एकाने पिस्तुल काढून हवेत गोळीबारही केला.

दगडफेकीत शीतल चव्हाण या गंभीर जखमी झाल्या. त्यामुळे त्यांना तातडीने जवळच्या खासगी रुग्णालयात दाखल करण्यात आले. पण काल (1 जानेवारी) त्यांचा उपचारादरम्यान मृत्यू झाला.

हे ही वाचा>> Nashik Crime : शेजाऱ्यासोबचा वाद विकोपाला, बाप-बेट्यांनी खून केला, मृताचं शीर कापून थेट पोलीस स्टेशनमध्येच...

शीतलच्या मृत्यूचे वृत्त समजल्यानंतर तिच्या कुटुंबीय मोठा धक्का बसला. एका क्षुल्लक कारणावरून शीतलला तिचा जीव गमवावा लागल्याने तिचे कुटुंबीय मात्र प्रचंड संतापलेले दिसून आले. याप्रकरणी आतापर्यंत तीन जणांना अटक करण्यात आली आहे. सध्या लोणी काळभोर पोलीस इतर दोघांचा शोध घेत आहेत.