'बायकोच्या सेवेसाठी मला आणलं घरी, 4 वर्ष माझ्यासोबत शारीरिक संबंध अन्..', वयस्कर पुरुषाचे विवाहित महिलेसोबत भलतेच चाळे

त्यावेळी महिलेला वाटलं की, जर हे काम तिला मिळालं तर तिच्या कुटुंबासाठी काही पैसे कमावू शकते. पगाराव्यतिरिक्त इतरही काही सुविधा होत्या. त्यामुळे तिने हे काम स्वीकारलं. यानंतर दुग्गल पांडे याने महिलेची अनूप व्यास याच्याशी ओळख करून दिली. त्यानंतर त्याच्यातील नोकरीचा करार निश्चित झाला. पण पुढे जे काही घडलं त्याचा आता महिलेला प्रचंड पश्चाताप होत आहे. उत्तर प्रदेशातील झाशीमध्ये एक विचित्र घटना घडल्याचं आता समोर आलं आहे.

अनुपने महिलेच्या पतीलाही लावली नोकरी

महिला तिच्या संपूर्ण कुटुंबासह अनुपच्या घरी राहू लागली. अनुपने छतावर तीन शेड बांधून महिला आणि तिच्या कुटुंबाची राहण्याची व्यवस्था केली होती. अनुपने महिलेच्या पतीला पोस्ट ऑफिसमध्ये कामही मिळवून दिलं. त्यामुळे सर्व काही व्यवस्थित चाललं होते. याच दरम्यान, अनुपची महिलेशी जवळीक वाढली. एवढंच नव्हे तर त्यांच्यात शारीरिक संबंधही प्रस्थापित झाले.

हे ही वाचा>> दिरासाठी मुलगी पाहायला निघालेल्या वहिनीचा रस्त्यातच गेला जीव, असं घडलं तरी काय?

'अनुपच्या  पाहून त्याचा मुलगा दिल्लीला गेला'

महिलेने याबाबत सांगताना पुढे म्हणाली की, "त्याने मला आणि माझ्या मुलांना नेहमी एकत्र ठेवण्याचे आश्वासन देऊन शरीरसंबंध सुरू ठेवले. हे चार वर्ष चालू होतं. अनूपच्या या कृतीमुळे त्याचा मुलगा त्याच्या कुटुंबासह दिल्लीला राहण्यासाठी गेला. यामुळे, मी त्याच्याशी संबंध तोडू इच्छित होते. पण अनूपने माझ्या पतीला आणि मुलांना सर्व काही सांगण्याची धमकी दिली. यानंतरही मी निघून जाण्याचा प्रयत्न केला, परंतु अनुप व्यासने माझी बदनामी करण्याची धमकी देत मला त्याच्या घरातून जाण्यापासून रोखलं."

हे ही वाचा>> 'मला Kiss कर...' शिक्षकाची अश्लील मागणी! वॉशरूममध्ये विद्यार्थीनीसोबत घाणेरडे चाळे अन्...

'अनुपने मला आश्वासन दिले की तो घर बांधून देईल'

महिले म्हणाली, "अनुप व्यासने मला आश्वासन दिले की तो मला घर बांधून देईल. त्याने त्याच्या पत्नी आणि मुलांना सोडून माझ्यासोबत राहायचं आहे असंही सांगितलं होतं. एके दिवशी त्याने सांगितले की त्याचा मुलगा आणि सून येणार आहे त्यामुळे मला घरातून जायला सांगितलं. मी नकार दिल्यावर त्याने मला मारहाण केली आणि नंतर मला रुग्णालयात सोडून पळून गेला."

पीडित महिलेने अनुप व्यास याच्यावर बलात्काराचा आरोप करत पोलीस ठाण्यात तक्रार दाखल केली आहे. नवाबाद पोलीस ठाण्याचे प्रभारी जेपी पाल यांच्याशी संपर्क साधला असता त्यांनी सांगितले की, महिलेच्या तक्रारीवरून अनुप व्यास, दुग्गल पांडे आणि मोनू पांडे यांच्याविरुद्ध तक्रार दाखल करण्यात आली आहे. संपूर्ण प्रकरणाची चौकशी सुरू आहे.