पत्नीच्या अनैतिक संबंधाबाबत पतीला समजलं! नवऱ्याच्या डोळ्यात फेकली मिरची पावडर, दोघांनी नंतर बेडवरच...

मिळालेल्या माहितीनुसार, हे प्रकरण टिपटूर तालुक्यातील कडाशेट्टीहल्ली गावातील आहे. येथील एका महिलेनं तिच्या प्रियकरासोबत मिळून तिच्या पतीला तडफडून मारलं. त्यानंतर मृतदेह 30 किलोमीटर दूर असलेल्या एका जंगलात विहिरित फेकून दिला. शंकरमूर्ती असं हत्या झालेल्या व्यक्तीचं नाव आहे.

हे ही वाचा >> ताट, लाटणं, उलाथणं घेऊन बदडलं, तरूणाला घेरून चोपलं...हॉटेल भाग्यश्रीवर पुन्हा काय राडा?

सुमंगला असं महिला आरोपीचं नाव असून नागराजू असं तिच्या प्रियकराचं नाव आहे. दोघांवरही हत्येचा कट रचणे आणि हत्या करण्याच्या आरोपाखाली गुन्हा दाखल आहे. सुमंगला टिपटूरमध्ये कल्पतरू कॉलेज गर्ल्स हॉस्टेलमध्ये काम करायची. पोलिसांच्या माहितीनुसार, सुमंगलाने तिच्या पतीच्या डोळ्यात मिरची पावडर टाकली आणि त्यानंतर त्याला लाकडाने मारहाण केली. नंतर त्याचा गळा दाबून हत्या केली. 

पोलिसांनी आरोपींना कसं पकडलं?

शंकरमूर्ती बेपत्ता झाल्याची माहिती मिळताच नॉनविनाकेरे पोलीस स्टेशनमध्ये तक्रार नोंदवण्यात आली. तपासादरम्यान, पोलिसांना मृताच्या फार्महाऊसमध्ये बेडवर मिरची पावडर सापडली. त्यामुळे पोलिसांचा संशय बळावला आणि त्यांनी सुमंगलाचे कॉल डिटेल्स चेक केले. त्यानंतर पोलिसांनी सुमंगलाची कसून चौकशी केली. त्यामुळे सुमंगलाने पतीची हत्या केल्याचं कबूल केलं. तिने पोलिसांना सांगितलं की, नागराजू नावाच्या एका व्यक्तीसोबत तिचे अनैतिक संबंध होते. या संबंधाला पतीचा विरोध होता. त्यामुळे पतीची हत्या केली, असं तिने पोलिसांना सांगितलं. 

हे ही वाचा >> 'बहिणीचा नवरा माझ्या बायकोसोबत...', लग्नाच्या 7 दिवसानंतरच पत्नीने केला भलताच खेळ!