कंपनीतील तरुणासोबत महिलेचे विवाहबाह्य संबंध! रात्री 1 वाजता प्रियकराला भेटण्यासाठी गेली अन्... नेमकं काय घडलं?

कुऱ्हाडीने वार करत पीडितेची हत्या

सिव्हिल इंजीनिअर म्हणून कार्यरत असलेल्या पीडित महिलेवर कुऱ्हाडीने वार करण्यात आले असून बाराबंकी येथील मसौली पोलीस स्टेशन परिसरातील शहाबपुर चौकात पीडितेचा मृतदेह आढळला. भयानक अवस्थेत मृतदेह पाहून लोकांना मोठा धक्का बसला. 

प्रियकराच्या कुटुंबियांकडून महिलेचा खून 

पीडितेच्या प्रियकराने आपल्या कुटुंबियांवर प्रेयसीची हत्या केल्याचे आरोप केले आहेत. प्रियकराच्या म्हणण्यानुसार, त्याच्याच कुटुंबातील सदस्यांनी महिलेचा खून केला. मिळालेल्या माहितीनुसार, रात्री 1 वाजताच्या सुमारास मृत महिला तिचा प्रियकर संतोषला भेटण्यासाठी गेली. त्यावेळी, तिचा संतोषच्या कुटुंबियांशी वाद झाला आणि याच भांडणात पीडितेची निर्घृण हत्या करण्यात आली. 

हे ही वाचा: टेलीग्रामवर चुकीच्या पद्धतीने विकले अश्लील व्हिडीओ... पोलीस 'त्या' पत्त्यावर पोहोचले अन् धक्कादायक बाब उघडकीस!

संतोष कुमारने त्याच्या आई-वडिलांवर आणि कुटुंबातील इतर सदस्यांवर हत्येचा आरोप केला आहे. पोलिसांनी मृतदेह ताब्यात घेतला असून तो पोस्टमॉर्टमसाठी पाठवला आहे. या प्रकरणी गुन्हा दाखल करण्यात आला आहे. 

हे ही वाचा: गडचिरोली: वेतन वाढीसाठी शारीरिक सुखाची मागणी, डॉक्टरांचा नर्सला 'तो' मॅसेज अन्... आरोपीच्या निलंबनाचे आदेश!

या प्रकरणासंदर्भात पोलिसांनी माहिती देताना सांगितलं की, सकाळी 8 वाजताच्या सुमारास संतोषने पोलिसांना या घटनेची माहिती दिली. पोलीस घटनास्थळी पोहोचल्यानंतर, भयंकर अवस्थेत महिलेचा मृतदेह आढळला. पीडितेच्या डोक्याच्या मागील बाजूवर गंभीर वार करण्यात आले होते. पोलिसांनी महिलेचा मृतदेह पॉस्टमॉर्टमसाठी पाठवला आहे. संतोषने माहिती देताना सांगितलं की, त्याचे मृत महिलेसोबत प्रेमसंबंध असून ती रात्री 1 वाजताच्या सुमारास त्याला भेटण्यासाठी गेली होती. त्यावेळी, कुटुंबियांसोबत वाद झाल्यानंतर तिची हत्या करण्यात आली. पोलीस आता या प्रकरणाचा तपास करत असल्याचं सांगितलं जात आहे.