"मी तुला विकणार आहे..." मित्रांमध्ये पत्नीचे अश्लील फोटो केले व्हायरल अन्... पीडितेने दाखल केली तक्रार!

पत्नीचे अश्लील फोटो आणि व्हिडीओ व्हायरल... 

करीमुद्दीनपुर पोलीस स्टेशन हद्दीतील एका गावात राहणाऱ्या महिलेचं 3 वर्षांपूर्वी लग्न झालं होतं. लग्नानंतर, जवळपास अडीच वर्षे सगळं काही ठिक होतं. मात्र, त्यानंतर त्या दोघांमध्ये वाद सुरू झाले. पीडित महिलेने केलेल्या आरोपानुसार, आरोपी पतीने तिचे काही अश्लील फोटो काढले आणि ते त्याच्या मित्रांना पाठवले. एवढंच नाही तर, त्याने पीडितेचा एका व्हिडीओ सुद्धा व्हायरल केला. 

पीडितेला पतीकडून बेदम मारहाण 

पतीने आपले अश्लील फोटो आणि व्हिडीओ व्हायरल केल्याचं पीडितेला कळालं आणि तिने आरोपी पतीला त्याच्या कृत्याचा जाब विचारला. त्यावेळी, आरोपीने आपल्या पत्नीला बेदम मारहाण केली आणि नंतर, जळजबरीने तिला दारू पाजली. इतकेच नव्हे तर, आरोपी त्याच्या पत्नीला म्हणाला की "मी तुला विकणार आहे आणि म्हणून मी तुझा आक्षेपार्ह व्हिडीओ काढला." 

हे ही वाचा: गडचिरोली: वेतन वाढीसाठी शारीरिक सुखाची मागणी, डॉक्टरांचा नर्सला 'तो' मॅसेज अन्... आरोपीच्या निलंबनाचे आदेश!

पत्नीने दाखल केली तक्रार 

सध्या, पीडिता 5 महिन्यांची गर्भवती असून देखील तिचा पती तिला बेदम मारहाण करतो. पती सतत मारहाण करत असल्यामुळे पीडिता वैतागून तिच्या बहिणीच्या घरी राहत आहे. पीडित महिलेच्या म्हणण्यानुसार, तिने तिच्या पतीविरुद्ध पोलीस स्टेशनमध्ये तक्रार नोंदवली होती. मात्र, पोलिसांनी यावर काहीच अॅक्शन घेतली नाही. त्यानंतर, तिने वरिष्ठ अधिकाऱ्यांना तक्रारपत्र देत म्हणाली की, "जर मला न्याय मिळाला नाही तर मी आत्महत्या करेन."

हे ही वाचा: सोलापूर : पन्नास हजारांची लाच घेताना नायब तहसीलदाराला रंगेहात पडकलं, घरातही 60 हजार सापडले

संबंधित प्रकरणाचं गांभीर्य लक्षात घेत करीमुद्दीनपुर पोलिसांना तात्काळ कारवाई करण्याचे आदेश देण्यात आले आहेत. त्यानंतर पोलिसांनी या प्रकरणासंदर्भात, बीएनएसच्या कलम 85, 115 (2) आणि 351 (2) अंतर्गत पीडितेच्या पतीविरुद्ध गुन्हा दाखल केला आहे. आता या प्रकरणात पुढील कारवाई केली जाणार असल्याचं पोलिसांनी सांगितलं आहे.