Amravati Lok Sabha Election 2024 : 'भाजपला कमळावरती बाईच पाहिजे', राणांना उमेदवारी मिळाल्यावर अडसूळ बिथरले

Anandrao Adsul criticize Navneet Rana : भाजपने अमरावती लोकसभा मतदार संघातून नवनीत राणा यांना उमेदवारी जाहीर केली आहे. भाजपकडून ही उमेदवारी जाहीर होताच अमरावतीच्या जागेवरून महायुतीत धुसफुस सुरु झाली आहे. शिंदे गटाचे आमदार बच्चू कडू आणि माजी खासदार आनंदराव अडसूळ यांचा ही उमेदवारी जाहीर झाल्यानंतरही विरोध कायम आहे. आनंदराव अडसूळ यांनी तर निवडणूक लढवण्याची घोषणा करून   राणांविरोधात दंडच थोपटले आहे. त्यामुळे एकीकडे बच्चू कडू आणि आनंदराव अडसूळ यांच आव्हान त्यामुळे राणांना निवडणूक जड जाण्याची शक्यता आहे.  (amravati lok sabha election 2024 bjp declare candidate navneet rana bachhu kadu anandrao adsul criticize rana maharashtra politics)

नवनीत राणांना अमरावतीतून उमेदवारी जाहीर झाल्यानंतर आनंदराव अडसूळ यांनी टीव्ही 9 मराठीला प्रतिक्रिया दिली आहे. या प्रतिक्रियेत बोलताना अडसूळ म्हणाले की, 'नवनीत राणांच्या विरोधात सगळेच आहेत. बडनेरा ही तिला मतदान करेल की नाही हा एक प्रश्न आहे'. दरम्यान त्याचा प्रचार करावा की नाही. याबाबत आम्ही त्यांना आधीच उत्तर दिले आहे, असे अडसूळ यांनी सांगितले आहे. 

हे ही वाचा : भाजपकडून अमरावतीचा उमेदवार जाहीर, 'यांचं' तिकीट कापलं!