Lok Sabha : राज ठाकरेंची दिल्लीवारी, भाजपसमोर ठेवणार 'या' दोन जागांचा प्रस्ताव

BJP-MNS Alliance :  महाराष्ट्र नवनिर्माण सेनेचे अध्यक्ष राज ठाकरे आज सायंकाळी दिल्लीला रवाना झाले आहेत. दिल्लीत त्यांची भाजप नेत्यांसोबत बैठक होणार आहे. या बैठकीत भाजप-मनसेची युती होण्याची शक्यता आहे. या दरम्यान लोकसभा निवडणुकीच्या अनुषंगाने राज ठाकरे भाजपसमोर दोन जागांचा प्रस्ताव देखील ठेवणार आहेत.त्यामुळे आता भाजप आणि मनसेमध्ये युती होणार का? आणि मनसेचा दोन जागांचा प्रस्ताव भाजप मान्य करणार का? हे पाहणे महत्वाचे ठरणार आहे.  ( mns raj thackeray delhi to meet devendra fadnavis chandrashekhar bawankule lok sabha seat sharing bjp mns alliance) 
 
 महाराष्ट्राच्या राजकारणात गेल्या काही दिवसांपासून भाजप-मनसेची युती होणार असल्याची चर्चा सुरु होती. अखेर या चर्चा आज खऱ्या ठरताना दिसणार आहेत. कारण  महाराष्ट्र नवनिर्माण सेनेचे अध्यक्ष राज ठाकरे दिल्लीला रवाना झाले आहेत. उप मुख्यमंत्री देवेंद्र फडणवीस आधीच दिल्लीत उपस्थित आहेत. त्यांच्यासोबत महाराष्ट्राचे प्रदेशाध्यक्ष चंद्रशेखर बावनकुळे देखील तिथे उपस्थित आहेत. दिल्लीत भाजपची कोअर कमिटीची बैठक सूरू आहे. या बैठकीसाठीच हे नेते दिल्लीत आहेत.