विधानपरिषद निवडणुकीसाठी भाजपची उमेदवार यादी जाहीर, पुण्यातून कोणाला संधी?

हेही वाचा : ठाकरेंचा 'गर्जना मोर्चा' सुरू होण्याआधीच सगळ्यात मोठी आणि इंटरेस्टिंग बातमी, महाराष्ट्राच्या राजकारणात असं कधीच नाही घडलं!

पुणे विभाग पदवीधर मतदारसंघासाठी डॉ. स्मिता योगेश जाधव यांचे नाव जाहीर करण्यात आले आहे. नागपूर विभाग पदवीधर मतदारसंघातून सुधाकर विठ्ठलराव कोहळे यांना उमेदवारी देण्यात आली आहे. तर पुणे विभाग शिक्षक मतदारसंघातून कौस्तुभ मुरलीधर गावडे हे भाजपचे उमेदवार असतील. विधान परिषद निवडणुकीसाठी भाजपने तीन मतदारसंघांमध्ये उमेदवार जाहीर केले आहेत. 

हेही वाचा : 'तुम्हाला सत्ता मिळाल्याचा राग नाही, पण...' राज ठाकरेंची तोफ धडाडली, थेट भाजपच्या माजी मंत्र्याची 'ती' गोष्ट सांगितली!

महाराष्ट्र विधान परिषदेच्या तीन पदवीधर आणि दोन शिक्षक मतदारसंघांसाठी निवडणूक होणार आहे. या निवडणुकीसाठी 29 सप्टेंबर 2026 रोजी अधिसूचना जारी करण्यात आली आहे. उमेदवारी अर्ज दाखल करण्याची अंतिम तारीख 6 ऑक्टोबर आहे. 7 ऑक्टोबर रोजी अर्जांची छाननी केली जाणार असून 9 ऑक्टोबरपर्यंत उमेदवारी अर्ज मागे घेता येणार आहेत. 

या निवडणुकीसाठी 23 ऑक्टोबर 2026 रोजी मतदान होणार आहे. सकाळी 8 ते दुपारी 4 या वेळेत मतदान प्रक्रिया पार पडेल. त्यानंतर 27 ऑक्टोबर रोजी मतमोजणी होऊन निकाल जाहीर केला जाणार आहे. त्यामुळे भाजपने जाहीर केलेल्या तीन उमेदवारांसाठी आता उमेदवारी अर्ज दाखल करण्याची प्रक्रिया महत्त्वाची ठरणार आहे.