अखेर किशोरी पेडणेकरांना उमेदवारी जाहीर, हातातील एबी फॉर्म दाखवत मातोश्रीबाहेर येऊन दिली पहिली प्रतिक्रिया

हे ही वाचा : 'जिथं अशोक चव्हाण तिथं आम्ही', असंख्य मुस्लिम बांधवांचा अशोक चव्हाणांच्या उपस्थितीत भाजपात प्रवेश

एबी फॉर्म दाखवत काय म्हणाल्या किशोरी पेडणेकर?

मंगळवारी किशोरी पेडणेकर मातोश्रीवर दाखल झाल्या होत्या. तसेच त्यांचे ठाकरेंच्या उमेदवारी यादीत नाव नसल्यानं कुठेतरी अंतर्गत नाराजी नाट्याला सुरुवात झाली की काय? अशी संभावना होती. पण, किशोरी पेडणेकरांनी पत्रकार परिषद घेत आपल्या हातातील एबी फॉर्म दाखवत आपली प्रतिक्रिया दिली.

एबी फॉर्म मिळण्यास विलंब का? 

निवडणुकीच्या प्रक्रियेत अनेक प्रोसेस असते. आपण जागा नेमकी कुठे आणि कशी सोडतोय? या गोष्टी पक्षप्रमुखांनुसारच होत्या. बऱ्यापैकी एबी फॉर्म हे मिळालेले आहेत. हाच फॉर्म मला देखील मिळालेला आहे. शाखा प्रमुखाच्या पत्नीला देखील देण्यात आला आहे. फक्त एक वॉर्ड आम्हाला सोडण्यात आलेला नाही, ते लवकर कळेल. हा फॉर्म आम्हाला सायंकाळी 5 वाजताच्या सुमारास मिळाला. त्यानंतर बऱ्याच गोष्टी सुरु असल्याने वेळ लागला.

हे ही वाचा : पुण्यात भाजपच्या उमेदवारांची यादी जाहीर, रमेश वांजळेंची लेक महापालिका निवडणुकीच्या मैदानात

ही लढाई अतिशय अटितटीची आहे. शिवसैनिक-मनसैनिक आमची आघाडी आहे. तसेच मतदारांच्या जीवावर ही निवडणूक लढवणार आहेत. आम्ही काम करतो, लोक बघताहेत. उद्धव बाळासाहेब ठाकरे आणि मनसे या युतीला लोक मतदान करणार आहेत, असं त्यांनी माध्यमांशी बोलताना सांगितलं.