असं काय झालं की, कुणाल कामरा थेट सुषमा अंधारेंसोबत विधानभवनात पोहोचला... टीशर्टने वेधलं लक्ष!

नेमकं प्रकरण काय? 

कुणाल कामरा यांनी शिवसेना पक्ष फुटीच्या मुद्द्यावर एक विडंबनात्मक गाणे सादर केले होते. या गाण्यात उपमुख्यमंत्री एकनाथ शिंदे यांच्यावर वैयक्तिक आणि कथित अपमानास्पद उल्लेख केल्याचा आरोप आहे. विधानपरिषदेतील भाजप नेते प्रवीण दरेकर यांनी कामरा तसेच सुषमा अंधारे यांच्याविरोधात यांच्याविरोधात हक्क भंगाचा प्रस्ताव माडंला होता. “कामरा यांनी सादर केलेल्या गाण्यात उपमुख्यमंत्र्यांचा अवमान करण्यात आला. अंधारे यांनी त्या कार्यक्रमाला पाठिंबा देत आक्षेपार्ह भाषा वापरली, हे सभागृहाचा अवमान आहे,” असा आरोप दरेकर यांनी केला होता.

सुषमा अंधारे काय म्हणाल्या? 

सुषमा अंधारे म्हणाल्या, कुणाल कामरा यांनी जी कविता गायली होती, ती कविता The Habitat या स्टु़डिओमध्ये गायली होती. त्यानंतर Habitat या स्टु़डिओची तोडफोड झाली. आता आम्ही त्यांना आरोप काय आहेत? याबाबत विचारणा करत होतो. मात्र, आज जी साक्ष नोंदवण्यात येणार होती, ती नोंदवली गेली नाही. कारण मूळ तक्रारदारांची साक्ष अगोदर नोंदवली गेली पाहिजे. मूळ तक्रारदार हे प्रवीण दरेकर आहेत. मात्र, ते एका वेगळ्या दौऱ्यावर आहेत. त्यामुळे ती साक्ष नोंदवली गेली नाही.

हेही वाचा : लातूर : पॉलिटेक्निक कॉलेजच्या वसतीगृहासमोर रक्ताचा सडा, विद्यार्थ्याची हत्या; चौघांवर धारदार शस्त्रांनी वार

कुणाल कामरा काय म्हणाला? 

दरम्यान, यावेळी पत्रकारांनी कुणाल कामराला मुंबईत सुरक्षित आहात का? असा सवाल विचारला होता. यावेळी तो म्हणाला, मी सुरक्षित आहे. माझा संविधानावर विश्वास आहे. मला जेव्हा बोलावण्यात येईल, तेव्हा मी हजर होईल. आज देखील आलो होतो. मात्र, आज सुनावणी होऊ शकली नाही. पण जेव्हा ते पुन्हा बोलावतील तेव्हा देखील मी येईल. आता 10 मार्चची तारीख देण्यात आल्याचं बोललं जातंय. दरम्यान, त्याने यावेळी पुढील काळात कॉमेडी शो करत राहणार असल्याचं बोलून दाखवलं. 

इतर महत्त्वाच्या बातम्या 

बीड: सोशल मीडियावर एकमेकांच्या विरोधात स्टोरी लावल्याने दोन गटांत वाद; थेट तिघांवर चाकूने हल्ला अन् एक ठार...