कोरोनाचे नियम तोडल्याप्रकरणी अभिनेत्री गौहर खानवर गुन्हा दाखल

मुंबई महानगरपालिकेच्या ‘के पश्चिम’ विभागाच्या आरोग्य खात्यातील अधिकाऱ्यांद्वारे यासंदर्भात पोलीस तक्रार दाखल करण्यात आली आहे. याप्रकरणी पोलिसांनी भारतीय दंड संहितेच्या कलम १८८, २६९, २७० आणि साथरोग नियंत्रण कायद्याच्या कलम २ व ३ नुसार गुन्हा दाखल केलाय.

पोलीस तक्रारीमध्ये नमूद केल्यानुसार, गौहर हिची यांची कोविड चाचणी करण्यात आली होती. मात्र, त्यानंतर घरातच विलगीकरण पद्धतीने राहणं बंधनकारक असताना देखील नियमांचं उल्लंघन करून गौहरने सार्वजनिक परिसरातील वावर सुरू ठेवला होता.