Money Laundering case : ED ने नोंदवला परमबीर सिंग यांचा जबाब

३ नोव्हेंबरला ईडीने अनिल देशमुखांना अटक केली होती, ज्यानंतर ते सध्या न्यायालयीन कोठडीत आहेत. ईडीने अनिल देशमुखांना चौकशीसाठी हजर राहण्यासाठी ५ समन्स बजावले होते, परंतू पाचही वेळेला अनिल देशमुख चौकशीसाठी हजर राहिले नाहीत. २ नोव्हेंबरला अनिल देशमुख ईडी अधिकाऱ्यांसमोर हजर झाल्यानंतर चौकशीनंतर ३ तारखेला त्यांना अटक करण्यात आली.

परमबीर सिंग यांनी अनिल देशमुखांवर १०० कोटींच्या खंडणीचे आरोप केले होते. सीबीआयने या प्रकरणाची प्राथमिक चौकशी केल्यानंतर ईडीने यात अनिल देशमुखांविरुद्ध मनी लाँडरिंगचा गुन्हा दाखल केला होता. या प्रकरणात ईडीने याआधीच अनिल देशमुख यांचे PA आणि PS यांना अटक केली आहे. याचसोबत अनिल देशमुखांचा मुलगा ऋषिकेशलाही ईडीने अटक केली आहे.