India's Got Latent च्या सेटवर पोहोचले मुंबई पोलीस, रणवीर अलाहबादियाच्या वक्तव्यामुळे अडचणी वाढल्या

हे ही वाचा >> Tanaji Sawant Son : सावंतांचा लेक कुठून उडाला कुठे लँड झाला? नाट्यमय घटनेचा घटनाक्रम 10 मुद्द्यांमध्ये

इंडियाज् गॉट लॅटेंटमध्ये झालेल्या वादानंतर रणवीर अलाबादियाने त्याच्या वक्तव्याबद्दल माफी मागितली आहे. मी कुठलंही स्पष्टीकरण देणार नाही, मी जे केलं ते चुकीचं आहे, त्यामुळे मी फक्त माफी मागतो असं रणवीर म्हणाला आहे. राहुल ईश्वर, वकील आशिष राय आणि स्थानिक भाजप नेते निलोत्पल मृणाल यांनी दाखल केलेल्या तक्रारींनंतर चौकशी सुरू केल्याचं मुंबई पोलीस अधिकाऱ्यांनी सांगितलं आहे. डीसीपी दीक्षित गेडाम यांनी याप्रकरणी बोलताना माहिती दिली आहे.

हे ही वाचा >>Mahayuti : मंत्र्यांचे पीए आणि ओएसडींच्या नियुक्त्या रखडल्या, शिंदेंचे मंत्री महायुतीत नाराज?

शोमधील एका स्पर्धकाशी बोलताना रणवीर अलाहबादियाने हे वक्तव्य केलं होतं. या प्रश्नावर लगेचच तीव्र प्रतिक्रिया उमटल्या आणि अनेकांनी ऑनलाइन कंटेंटवर कडक नियमांची मागणी केली. मुंबई पोलीस आयुक्त आणि महाराष्ट्र महिला आयोगाकडे दाखल केलेल्या तक्रारीत अलाहबादिया, समय रैना, शोचे आयोजक आणि सोशल मीडिया इन्फ्लुएंसर अपूर्वा मखीजा यांच्या नावाचा उल्लेख आहे.