महाराष्ट्राच्या प्रतिमेला काळीमा फासणारी घटना !

परमबीर सिंग यांच्या आरोपानंतर अनिल देशमुख राजीनामा देणार का??

मुंबईचे माजी पोलिस आयुक्त आणि विद्यमान महासंचालक, होमगार्ड परमबीर सिंग यांनी लिहिलेले हे पत्र केवळ खळबळजनक नाही, तर अतिशय धक्कादायक आहे. एखादा विद्यमान अधिकारी थेट राज्याच्या गृहमंत्र्यांबद्दल अशाप्रकारचे पत्र लिहिण्याची ही महाराष्ट्राच्या इतिहासातील पहिलीच वेळ आहे. त्यामुळे या संपूर्ण प्रकरणाचा केंद्रीय यंत्रणांमार्फत वा न्यायालयाच्या देखरेखीखाली तपास व्हावा आणि अनिल देशमुखांनी तत्काळ राजीनामा द्यावा, अशी मागणी माजी मुख्यमंत्री आणि विधानसभेतील विरोधी पक्षनेते देवेंद्र फडणवीस यांनी आज नागपुरात केली.

‘मुंबईत सतराशे बार आहेत, रेस्टॉरंट आहेत; ४०-५० कोटी सहज जमू शकतात!’

विधानपरिषदेचे विरोधी पक्षनेते प्रवीण दरेकर यांनीही अनिल देशमुख यांच्या राजीनाम्याची मागणी करत, देशमुखांनी वाझेंना वसुलीचं काम दिलं होतं का? असा सवाल विचारला आहे.

भाजपच्या नेत्या पंकजा मुंडे यांनीही राजकारणातील गुन्हेगारीकरणाचा मुद्दा मांडत राज्य संकटात असल्याचं म्हटलं आहे.

तर मनसे अध्यक्ष राज ठाकरे यांनीही गृहमंत्री अनिल देशमुख यांच्या राजीनाम्याची मागणी केली आहे.

सचिन वाझे यांना NIA ने अटक केल्यानंतर काही दिवसांनी महाविकास आघाडी सरकारने मुंबई पोलीस आयुक्त परमबीर सिंग यांची बदली केली होती. NIA ने CIU च्या कार्यालयात छापा मारल्यानंतर त्या आवारात काही महत्वाचे पुरावे व एक मर्सिडीज गाडी सापडली होती. ज्यात ५ लाख रुपये, पैसे मोजण्याची मशिन व इतर पुरावे सापडले होते. पोलीस आयुक्तांच्या कार्यालयाच्या आवारातच हा प्रकार घडल्यामुळे राज्य सरकार परमबीर सिंग यांच्यावर नाराज होत, ज्यानंतर त्यांना पदावरुन हटवण्यात आलं.

ठाकरे सरकारवर लेटरबॉम्ब ! अनिल देशमुखांनी वाझेंना दर महिन्याला १०० कोटी मागितले – परमबीर सिंग