ब्लॅकमेलिंग प्रकरणात रेणू शर्माच्या पोलीस कोठडीत दोन दिवसांनी वाढ

धनंजय मुंडे यांना 5 कोटी रुपये रोख व 5 कोटी रुपयांचे दुकान घेऊन द्या नाहीतर तुमच्यावर केस करून सोशल मीडियावरून बदनामी करेन, अशी धमकी रेणू शर्माने दिली होती. या प्रकरणात धनंजय मुंडे यांनी मुंबई पोलिसांत तक्रार दिली होती. या आधारावर मुंबई क्राईम ब्रँचने रेणू शर्माला 21 एप्रिलला अटक करुन न्यायालयासमोर हजर केलं होतं. यावेळी कोर्टाने रेणू शर्माला दोन दिवसांची पोलीस कोठडी सुनावली होती. आज ही कोठडी संपल्यामुळे तिला पुन्हा न्यायालयासमोर हजर करण्यात आलं. यावेळी न्यायालयाने रेणू शर्माच्या कोठडीत दोन दिवसांनी वाढ केली आहे.