Bigg Boss 16 Final : रॅपर एमसी स्टॅन ठरला 16 व्या पर्वाचा विजेता

M.C. Stan is name of winner Bigg Boss 16 : मुंबई : तब्बल १९ आठवड्यांपूर्वी सुरुवात झालेल्या बिग बॉस-16 ची अखेर सांगता झाली आहे. रॅपर एम.सी.स्टॅन हा या पर्वाचा विजेता ठरला आहे. शोचा होस्ट सलमान खानने स्टॅनचं नाव जाहीर केलं. त्याला चमकदार ट्रॉफीसोबत ३१ लाख ८० हजार रुपयांची बक्षीस रक्कम आणि आय १० Nios कार मिळणार आहे. स्पर्धेत टॉप-५ मध्ये प्रियंका चहर चौधरी, शिव ठाकरे, एमसी स्टॅन, शालीन भनोट आणि अर्चना गौतम पोहचले होते. अखेरीस इतर चौघांना मागे टाकतं मिळालेले वोट्स आणि परफॉर्मन्सच्या आधारे रॅपर एम.सी.स्टॅन विजेता ठरला आहे. (Bigg Boss season 16 ends with a bang on Sunday.)

सुरुवातीलाच शालीन भनोट या शोमधून बाहेर पडला. तो पाचव्या स्थानावर राहिल्याने त्याला शोमधून बाहेर काढण्यात आलं. बाहेर पडल्यानंतर त्याच्या बक्षिसाची रक्कमही ३१ लाख ८० हजार रुपयांपर्यंत वाढली. शालीन बाहेर पडल्यानंतर ‘बिग बॉस’ शोमध्ये शिव ठाकरे, प्रियांका चहर चौधरी, एम. सी. स्टॅन आणि अर्चना गौतम यांच्यात चुरशीची लढत पाहायला मिळाली.

शालीन पाठोपाठ अर्चना गौतमही बिग बॉसच्या घरातून बाहेर पडली. शोमध्ये चौथ्या क्रमांकावर राहिल्याने अर्चना गौतमचा घरातील प्रवास संपुष्टात आला. अर्चनानंतर प्रियंका चहर चौधरीला घराबाहेर काढण्यात आलं. त्यामुळे विजेता शिव होणार की एमसी स्टॅन यावरुन चाहत्यांची उत्सुकता पणाला लागली होती. बिग बॉसच्या बाहेर सेलिब्रिटीजचा शिव ठाकरेला मोठा सपोर्ट मिळाला होता.

MC Stan: पुण्यात रस्त्यावर राहिला, अल्ताफ तडवी कसा बनला स्टॅन, कोण बिग बॉस 16चा विजेता?

सलमान खानने मानले आभार :

बिग बॉसची फायनल सुरु असतानाच सलमान खानची दमदार एंट्री झाली. यावेळी सलमान खानने या सिझनचं कौतुक केलं. सलमान खान म्हणाला,”हा सिझन बिग बॉसच्या सर्वात यशस्वी सिझन आहे. सर्वांचे आभार. सर्वांनी १९ आठवडे धम्माल केली”. स्पर्धेला सुरुवात होण्यापूर्वीही सलमान खान येऊन गेला होता.

Bigg Boss 16 : जबरदस्त खेळून शिव ठाकरे हरला, कारण…

आजच्या स्पर्धेदरम्यान, सनी देओल आणि अमिषा पटेल बिग बॉसच्या सेटवर पोहोचले होते. त्यांच्या आगामी ‘गदर -२ या चित्रपटाचं प्रमोशन यावेळी करण्यात आलं. याशिवाय घरात सुम्बुल, निमृत, साजिद, अब्दू, श्रीजिता या सदस्यांनी एकमेकांसोबत मस्ती करत, कविता करत धमाल उडवून दिली. पाचही स्पर्धकांनी आणि शिव-प्रियंका यांनी फेस-ऑफ डान्स परफॉर्मन्स सादर केले. याशिवाय कॉमेडियन भारती सिंग आणि कृष्णा अभिषेक सदस्यांचं भरपूर मनोरंज केलं.