Mahakumbh Stampede : कुंभमेळ्यामध्ये मोठी चेंगराचेंगरी, 10 जणांचा मृत्यू झाल्याची सुत्रांची माहिती, शाही स्नान रद्द

हे ही वाचा >> Santosh Deshmukh Murder Case: 'धनंजय मुंडेंची ED चौकशी करा', थेट कोर्टातच...

संगम परिसरातून लोकांना बाहेर काढण्यासाठी बॅरिकेडिंग हटवण्यात आले आहे. पण तरीही नदीच्या काठावर अजूनही लोकांची तुफान गर्दी आहे. चेंगराचेंगरीनंतरही लोक संगमावर पोहोचण्याच्या प्रयत्नात आहे. साधू आणि संत लोकांना संगम परिसरात न जाण्याचं आवाहन करत आहेत.

हे ही वाचा >> सत्यनारायण पूजा, हळदी-कुंकू कार्यक्रमात राडा.. डोंबिवलीत परप्रांतियांची मुजोरी

13 जानेवारीपासून सुरू झालेल्या महाकुंभमेळ्यात आतापर्यंत सुमारे १५ कोटी लोकांनी गंगा नदीत स्नान केलं आहे. आज म्हणजेच बुधवारी मौनी अमावस्येला 10 कोटींहून अधिक भाविक येण्याची शक्यता आहे. मात्र, आता एवढ्या मोठ्या प्रमाणात झालेल्या या दुर्घटनेमुळे परिसरातील गर्दी कमी ठेवण्याचं मोठं आवाहन यंत्रणांसमोर असणार आहे.

उत्तर प्रदेशचे मुख्यमंत्री योगी आदित्यनाथ यांनी भाविकांना आवाहन केलं आहे की, गंगेच्या घाटावरच स्नान करा. संगमाकडे जाण्याचा प्रयत्न करू नका. स्नान करण्यासाठी अनेक स्नानघाट बांधले गेले आहेत. स्नान कुठेही करता येईल. प्रशासनाच्या सूचनांचं पालन करा. व्यवस्था करण्यात मदत करा. कोणत्याही अफवांकडे लक्ष देऊ नका.

 

पंतप्रधान नरेंद्र मोदी आणि गृहमंत्री अमित शहा,  भाजप अध्यक्ष जेपी नड्डा यांनीही मुख्यमंत्री योगी यांच्याशी फोनवरून चर्चा केली आहे. केंद्रीय आरोग्य मंत्री जेपी नड्डा यांनी म्हटलं आहे की, सर्व आरोग्य सेवांना केंद्र सरकारकडून मदत पुरवली जाईल. कुंभमेळ्यात, भाजप कार्यकर्ते प्रशासनाला शक्य ती सर्व मदत करण्यास तयार आहेत.