Video : मुंबई की बिहार? भररस्त्यात वकीलावर तलवारीचे वार, ३ आरोपी अटकेत

टोळक्याने केलेल्या या हल्ल्यात वकील सत्यदेव जोशी जखमी झाले असून त्यांच्यावर रुग्णालयात उपचार सुरु आहेत. ८ जुलै रोजी बोरिवली भागात ही घटना घडल्याचं बोलल जातंय. टोळक्याने वकीलावर हल्ला का केला याबाबतचं कारण समजू शकलेलं नाहीये.

परंतू हा हल्ल्याचा व्हिडीओ सोशल मीडियावर व्हायरल झाल्यामुळे शहरातील कायदा सुव्यवस्थेबद्दल प्रश्नचिन्ह उपस्थित केलं जात आहे. एमएचबी पोलिसांनी या प्रकरणी तिघा आरोपींना अटक केली आहे. कलम 307, 326,324, 504 आणि 506 अंतर्गत आरोपींवर गुन्हा दाखल करण्यात आला असून पुढील तपास सुरु आहे.