Olympic पदक विजेत्या सुशील कुमारविरोधात दिल्ली पोलिसांकडून १ लाखांचं बक्षीस जाहीर

सुशील कुमारसोबतच सागर राणाच्या हत्येत सहभागी असलेल्या अजय या मल्लाचाही दिल्ली पोलीस शोध घेत आहेत. काही दिवसांपूर्वी दिल्लीतील कोर्टाने सागर राणाच्या हत्येत सहभागी असलेल्या आरोपींविरोधात अजामीनपात्र वॉरंट जाहीर केलं होतं.

४ मे रोजी दिल्लीच्या छत्रसाल स्टेडीयममध्ये काही मल्लांमध्ये हाणामारी झाली. यात जखमी झालेल्या मल्लांवर नंतर रुग्णालयात उपचार करण्यात आले. परंतू उपचारादरम्यान २३ वर्षीय सागर राणाचा मृत्यू झाला. सागर राणाला मारहाण करणाऱ्या मल्लांमध्ये सुशील कुमारचाही सहभाग असल्याचे पुरावे दिल्ली पोलिसांकडे आहेत. २००८ साली झालेल्या बिजींग ऑलिम्पिकमध्ये सुशील कुमारने ब्राँझ तर २०१२ साली लंडन ऑलिम्पिकमध्ये सुशीलने सिल्वर मेडल मिळवलं होतं. आंतरराष्ट्रीय पातळीवर भारताचं नाव मोठं करणाऱ्या सुशीलविरोधात आज हत्येचा गुन्हा दाखल झाल्यामुळे आश्चर्य व्यक्त करण्यात येतंय.