'काही नेते विशिष्ट जातीबाबत..', अजितदादांनी भुजबळांसमोर व्यक्त केली नाराजी, जीआरबाबत पक्षाची भूमिकाच सांगितली

काही नेते विशिष्ट जातीबाबत टोकाची भूमिका घेतात - अजित पवार 

बैठकीदरम्यान अजित पवार म्हणाले की, "काही नेते विशिष्ट जातीबाबत टोकाची भूमिका घेतात. त्यांच्या वक्तव्यांमुळे पक्षाची प्रतिमा खराब होते आणि त्याची राजकीय किंमत पक्षाला मोजावी लागते." त्यांच्या या वक्तव्याने उपस्थित नेत्यांमध्ये काही क्षण शांतता पसरली. अजित पवार यांनी भुजबळांचं नाव घेतलं नसले तरी त्यांच्या वक्तव्याचा रोख स्पष्टपणे भुजबळांकडे असल्याचं सर्वांनाच जाणवलं.

हेही वाचा : IPS अधिकाऱ्याने आयुष्य संपवलं, IAS पत्नी मुख्यमंत्र्यांसह परदेश दौऱ्यावर असतानाच स्वत:वर गोळ्या झाडल्या

दरम्यान, या बैठकीतून अजित पवारांच्या नाराजीमुळे एनसीपीमध्ये अंतर्गत मतभेद पुन्हा एकदा समोर आले आहेत. या घडामोडींमुळे राज्याच्या राजकारणात चर्चेचा विषय निर्माण झाला असून, मराठा आरक्षणासंदर्भातील चर्चेला नवं वळण मिळालं आहे. अजित पवार यांनी छगन भुजबळ यांच्यासमोर नाराजी व्यक्त करत पक्षाची भूमिका स्पष्ट करण्याचा प्रयत्न केला असल्याचे बोलले जात आहे. 

मराठा आंदोलक मनोज जरांगे पाटील यांनी आझाद मैदानावर पाच दिवस उपोषण केल्यानंतर महायुती सरकारने हैद्राबाद गॅझीटिअर लागू करण्याचा शासन निर्णय जारी केला. मात्र, या शासन निर्णयाला अजित पवारांच्या राष्ट्रवादीचे नेते मंत्री छगन भुजबळ सातत्याने विरोध करताना पाहायला मिळाले आहेत. याशिवाय, काँग्रेस नेते विजय वडेट्टीवार यांनी देखील विरोध केला आहे. विशेष म्हणजे भाजपमधील काही नेत्यांनी देखील या जीआरबाबत भाष्य केलं होतं. मात्र, अजित पवारांनी बैठकीत नाराजी व्यक्त करत पक्षाची भूमिका स्पष्ट करण्याचा प्रयत्न केला आहे. 

इतर महत्त्वाच्या बातम्या 

आरक्षण मिळत नसल्याने आत्महत्या केल्याच्या खोट्या सुसाईड नोट लिहिल्या, पोलिसांकडून गुन्हे दाखल; कसा झाला उलगडा?