भाजपच्या माजी आमदार नरेंद्र पवारांवरील बलात्काराच्या आरोपांनी चित्रा वाघही हादरल्या! म्हणाल्या...

नरेंद्र पवारांवरील आरोपांवर चित्रा वाघांची प्रतिक्रिया

भिवंडीतील धामणकर नाका येथे प्रसारमाध्यमांशी बोलताना चित्रा वाघ यांनी नरेंद्र पवार यांच्याविरोधातील प्रकरणावर भाष्य केले. नरेंद्र पवार हे पक्षाचे सहकारी असल्याने त्यांच्याविरोधातील बातमी ऐकून धक्का बसल्याचे त्यांनी सांगितले.

हे ही वाचा>> सामूहिक बलात्कार प्रकरणी कोर्टाकडून भाजपच्या माजी आमदाराला सगळ्यात मोठा झटका

नरेंद्र पवार असे काही करतील, असे स्वप्नातही वाटले नव्हते, असे म्हणत त्यांनी महिलेने केलेल्या तक्रारीकडे दुर्लक्ष करता येणार नसल्याचे स्पष्ट केले.

या संपूर्ण प्रकरणाचा पोलीस निष्पक्षपणे तपास करतील, असा विश्वासही चित्रा वाघ यांनी व्यक्त केला.

“भाजप गुन्हेगाराला पाठीशी घालणार नाही”

या प्रकरणात गुन्हा सिद्ध झाल्यास आरोपी कोणत्याही पक्षाचा असला तरी त्याच्यावर कायद्यानुसार कारवाई झाली पाहिजे, अशी भूमिका चित्रा वाघ यांनी मांडली. मुख्यमंत्री देवेंद्र फडणवीस किंवा भाजप अशा प्रकारच्या कृत्याला पाठीशी घालणार नाही, असेही त्या म्हणाल्या.

हे ही वाचा>> फार्महाऊसवर नेऊन सामूहिक अत्याचार केल्याचा तरुणीचा आरोप, माजी आमदारासह दोघांवर गुन्हा दाखल

त्यांच्या या प्रतिक्रियेमुळे नरेंद्र पवार यांच्यावरील आरोपांच्या पार्श्वभूमीवर भाजपची भूमिका चर्चेत आली आहे.

नरेंद्र पवार, शैलेश पाटील यांचा शोध सुरू

कल्याण पश्चिमचे भाजपचे माजी आमदार नरेंद्र पवार आणि बडतर्फ पोलीस कर्मचारी शैलेश पाटील यांच्याविरोधात २२ वर्षीय विवाहित महिलेच्या तक्रारीवरून पडघा पोलीस ठाण्यात सामूहिक लैंगिक अत्याचाराचा गुन्हा दाखल करण्यात आला आहे.

• दोघांच्या शोधासाठी पोलिसांनी सहा पथके तयार केल्याची माहिती आहे.
• विविध ठिकाणांसह विमानतळ आणि रेल्वे स्थानकांवरही तपास सुरू असल्याचे वृत्त आहे.

फार्महाऊसवरील CCTV आणि DVR गायब?

या प्रकरणातील कथित घटना ज्या फार्महाऊसवर घडल्याचे तक्रारीत नमूद आहे, तेथील CCTV कॅमेरे आणि DVR उपलब्ध नसल्याची माहिती तपासादरम्यान समोर आल्याचे वृत्त आहे.

या फार्महाऊसचा केअरटेकर ‘देवा’ हादेखील फरार असल्याची माहिती आहे. CCTV आणि DVR उपलब्ध नसण्याच्या मुद्द्याचा तपासाचा स्वतंत्र भाग म्हणून तपास केला जात आहे.

तसेच, पुरावा नष्ट केल्याच्या अनुषंगाने अतिरिक्त कलमांची नोंद करण्यात आल्याची माहिती देण्यात आली आहे.