धाराशिव जिल्हा परिषद निवडणूकीचा निकाल जाहीर; भाजपची आघाडी, सत्तास्थापनेची गणिते सुरू

भाजप ठरला मोठा पक्ष 

धाराशिव जिल्हा परिषदेचे अध्यक्षपद हे सर्वसाधारण महिला प्रवर्गासाठी राखीव झालं असून, आरक्षण जाहीर होताच अध्यक्षपदाच्या शर्यतीला वेग आला आहे. जिल्हा परिषद निवडणुकीत भारतीय जनता पार्टी सर्वाधिक जागा जिंकून सर्वात मोठा पक्ष ठरल्याने अध्यक्षपदावर भाजपाचाच दावा भक्कम मानला जात आहे. भाजपकडून धाराशिवचे आमदार राणा जगजितसिंह पाटील यांच्या पत्नी अर्चना पाटील यांचे नाव अध्यक्षपदासाठी सुरुवातीपासूनच पुढे करण्यात आले आहे. भाजपाने जिल्हा परिषदेत 19 जागांवर विजय मिळवत आपली ताकद स्पष्ट केली आहे. 

शिंदे गटाच्या शिवसेने दुसरा क्रमांक 

दरम्यान, महायुतीतील घटक पक्ष असलेल्या शिवसेना (शिंदे गट)ने 15 जागा जिंकत दुसरा क्रमांक पटकावला आहे. विशेष बाब म्हणजे, भाजपाने आपले काही उमेदवार शिवसेना शिंदे गटाच्या चिन्हावर निवडून आणल्याने भाजपाच्या अध्यक्षपदाचा मार्ग अधिक सुकर झाल्याचं चित्र आहे. या पार्श्वभूमीवर भाजपाकडून मल्हार राणा पाटील हे रणनीती आखत निवडून आलेल्या सदस्यांची मोट बांधताना सक्रिय झाल्याचे दिसून येत आहे.

यामुळे आगामी काळात धाराशिव जिल्हा परिषदेत अध्यक्षपद कोणाकडे जाणार, तसेच सत्तास्थापनेनंतर कोणत्या घटक पक्षाला उपाध्यक्ष व सभापती पदे मिळणार, याकडे संपूर्ण जिल्ह्याचे लक्ष लागले आहे. राजकीय हालचालींना सध्या कमालीचा वेग आला असून, पुढील काही दिवसांत जिल्हा परिषदेत नवे राजकीय समीकरण स्पष्ट होण्याची शक्यता आहे. 

हे ही वाचा: धाराशिवमध्ये धाकधूक वाढवणारी मतमोजणी, पंचायत समितीच्या निवडणुकीत ठाकरेंच्या उमेदवाराचा एका मताने विजय

धाराशिव जिल्हा परिषद निकाल

पक्षनिहाय एकूण निकाल
भाजपा - 19
शिवसेना (शिंदे गट) - 15
ठाकरे गट (शिवसेना उ.बा.ठा.) - 7
राष्ट्रवादी काँग्रेस (NCP) -6
काँग्रेस- 3
अपक्ष - 3
अपक्ष (भाजप पुरस्कृत) - 1
समाजवादी पक्ष - 1
एकूण - 55

विजयी उमेदवार आणि पक्ष

धाराशिव
तेर – अर्चना पाटील – भाजपा
ढोकी – तीर्थराज घाडगे – ठाकरे गट
येडशी – संजय लोखंडे – भाजपा
पळसप – अजित लाकाळ – शिवसेना
कोंड – शीतल खांडेकर – भाजपा
आंबेजवळगा – सुमन सातपुते – ठाकरे गट
सांजा – प्रदीप घोणे — ठाकरे गट
पाडोळी – दयानंद शिंदे — भाजप
केशेगाव – सुमन भद्रे — भाजप
बेंबळी – महिंद्र धूरगुडे — NCP
वडगाव सिद्धेश्वर – पुजा सरवदे — भाजप
उपळा – प्रदीप शिंदे – भाजपा

कळंब

मंगरूळ – जयवंत कुंभार – भाजपा
शिराढोण – कांचनमाला संगवे – ठाकरे गट
डिकसळ – पूजा शिंदे – शिवसेना
ईटकूर – अनंत लंगडे – शिवसेना
नायगाव – उद्धव शितोळे– भाजपा
खामसवाडी – विश्वास कोकणे – भाजपा
येरमाळा – अनुजा कोकाटे — भाजप
मोहा – रूपाली नागटिळक – ठाकरे गट

तुळजापूर

सिंदफळ – शीतल ढाले – भाजपा
काक्रंबा – दयानंद शिंदे – भाजपा
अणदूर – जितेंद्र कानडे – ठाकरे गट
मंगरूळ – सीमा माडजे (रोचकरी) – समाजवादी पक्ष
काटी – आशा भाले— भाजप
काटगाव – निवृत्ती म्हेत्रे — भाजप
शहापूर – सुनील बनसोडे — शिवसेना
नांदगाव – सिद्धेश्वर कोरे — भाजपा
जळकोट – प्रतीक्षा सुरवसे — काँग्रेस

वाशी

पारा – अश्विनी उंदरे – शिवसेना
तेरखेडा – संदेश ऊर्फ विकी चव्हाण – शिवसेना
पारगाव – सविता तळेकर – शिवसेना

परांडा

शेळगाव – अमर मोरे – शिवसेना
आनाळा – वैशाली डोके – शिवसेना
जवळा – धनंजय सावंत – अपक्ष (भाजप पुरस्कृत)
डोंजा – भाऊसाहेब खरसडे – NCP
लोणी – राणी ढोरे – अपक्ष

भूम

ईट – शुभांगी देशमुख – NCP
सुकटा – विजयमाला मार्कड – शिवसेना
पाथरूड – अमोल भोरे – NCP
वालवड – जयश्री काळे – शिवसेना
आष्टा – साधना अंधारे — शिवसेना

लोहारा

कानेगाव – सुवर्णा पाटील – शिवसेना
माकणी – अश्विनी जवळगे – ठाकरे गट
सास्तूर – रोहिणी कोकणे – NCP
जेवळी – श्रुती पनुरे – शिवसेना

उमरगा

कवठा – महेश देशमुख – काँग्रेस
बलसूर – सविता बिराजदार – NCP
कुन्हाळी – लता मोरे – काँग्रेस
तुरोरी – अर्चना जाधव – अपक्ष
गुंजोटी – शहाजी पाटील – भाजपा
डाळिंब – महंमद तांबोळी – भाजपा
येणेगूर – रचना राठोड – भाजपा
आलूर – आप्पासाहेब पाटील – अपक्ष
कदेर – उषा रविंद्र गायकवाड – शिवसेना