गौतम अदानींनी घेतली शरद पवार यांची सांत्वनपर भेट

हे ही वाचा : राष्ट्रवादीच्या विलीनि‍करणावर शशिकांत शिंदे यांचं वक्तव्य, म्हणाले 'मी अजित दादांची शपथ...'

गौतम अदानी शरद पवार यांच्या भेटीसाठी सिल्व्हर ओकवर 

माध्यमांनी दिलेल्या माहितीनुसार, अजित पवार यांच्या निधनानंतर गौतम अदानी शरद पवार यांच्या भेटीसाठी आले होते. शरद पवार हे सकाळीच बारामतीहून मुंबईकडे रवाना झाले होते.  त्यानंतर अजित पवार यांच्या सांत्वनपर ही भेट असल्याची माहिती मीडियातून समोर आली आहे.  

एका महिन्यापूर्वीची सांगितली 'ती' आठवण

अजित पवार यांच्या निधनानंतर अदानी यांनी सोशल मीडियावर श्रद्धांजली देखील वाहिली होती. त्यांनी एका महिन्यापूर्वी, 'आम्ही बारामतीत शरद पवार सेंटर ऑफ एक्सलन्स इन एआयच्या उद्घाटनासाठी एकत्र उभे होते', असं लिहून एका महिन्यापूर्वी अजितदादांच्या आठवणींना उजाळा दिला, त्याच पोस्टमध्ये अजितदादांना श्रद्धांजली वाहिली. 

. 

हे ही वाचा : पार्थ पवार भेटायला आल्यानंतर काय म्हणाले? विलीनीकरणाबाबत चर्चा झाली का? शरद पवारांनी सगळं सांगितलं!

विलीनीकरणवरून राजकारण तापलं

दरम्यान, अजित पवार यांच्या निधनानंतर शरद पवार गटाने विलीनीकरणबाबत चर्चा करण्यास सुरुवात केली. तसेच दुसरीकडे अजित पवार यांच्या पत्नी सुनेत्रा पवार यांनी 31 जानेवारी रोजी सायंकाळी 5 वाजता राज्याच्या पहिल्या महिला उपमुख्यमंत्री म्हणून शपथ घेतली. यामुळे आता विलीनीकरणच्या चर्चेचं पुढे काय होईल ते सांगता येत नाही.