गोपीचंद पडळकरांची जीभ छाटणाऱ्यास पाच लाखांचे बक्षीस, बदलापूर राष्ट्रवादी काँग्रेस शरद पवार गट आक्रमक

हे ही वाचा : नाशिकच्या त्र्यंबकेश्वरमध्ये पत्रकारांवर गुंडांकडून प्राणघातक हल्ला, अपोलो रुग्णालयात उपचार सुरु, नेमकं काय घडलं?

पडळकरांनी केलेल्या वक्तव्याने राज्यभरात संतापाची लाट

पडळकरांनी केलेल्या वक्तव्याने राज्यभरात संतापाची लाट पसरली आहे. त्याविरोधात राज्यभरात राष्ट्रवादी काँग्रेस शरद पवार गटातील कार्यकर्ते आक्रमक झाले आहेत. बदलापुरातील झालेल्या निदर्शनांमध्ये राष्ट्रवादी काँग्रेस शरदचंद्र पवार गटातील कार्यकर्त्यांनी पडळकरांच्या प्रतिमेला जोडे मारले आहेत. तसेच काही कार्यकर्त्यांनी त्यांची प्रतिमा दहन केली. तसेच जयंत पाटील यांच्या प्रतिमेला दुग्धाभिषेकही करण्यात आला होता.

जीभ छाटणाऱ्याला पाच लाखांचा इनाम

गोपीचंद पडळकर हे अनेकदा वादग्रस्त विधान करताना दिसतात. त्यामुळे आता कार्यकर्त्यांच्या सहनशीलतेचा अंत झाला आहे. यामुळे आता असे वक्तव्य करू नये. पडळकरांनी असे वक्तव्य केल्याने आता त्यांची जीभ छाटणाऱ्याला पाच लाखांचा इनाम देण्यात येणार असल्याचं बदलापूर राष्ट्रवादीने स्पष्ट केलं आहे.

हे ही वाचा : 'महिलेचा हात उकळत्या तेलातच...' नणंदेनं भावाला हाताशी धरत भावजयीविरोधात रचला कट, नेमकं काय प्रकरण?

याआधीही गोपीचंद पडळकर यांनी अनेक आक्षेपार्ह भाषेचा वापर केला होता. तसेच अनेकदा बेताल वक्तव्य केले होते. त्यांनी देशाचे ज्येष्ठ नेते शरद पवार आणि त्यांच्या कुटुंबियांवरही खालच्या पातळीवर टीका केली होती. तसेच उद्धव ठाकरेंवरही त्यांनी टीका केली होती. अशातच आता त्यांनी जयंत पाटील यांच्यावर टीका करताना वापरण्यात आलेली भाषा खालच्या पातळीची होती.