कल्याण डोंबिवलीच्या महापौर आणि उपमहापौर पदासाठी प्रत्येकी एक एकच अर्ज आल्याने तसे पाहता आजची ही निवडणूक म्हणजे निव्वळ औपचारिकता होती. मुंबई शहराच्या जिल्हाधिकारी आंचल गोयल या पीठासीन अधिकाऱ्यांच्या उपस्थितीत ही निवड प्रक्रिया संपन्न झाली. 

हे ही वाचा : मीरा-भाईंदरमध्ये अमराठी महापौरपदावरून मराठी एकीकरण समितीचं तीव्र आंदोलन, अध्यक्ष म्हणाले, 'नरेंद्र मेहता दुसरे मोरारजी देसाई...'

 ..आणि प्रशासकीय राजवट संपली

विशेष म्हणजे 1983 नंतरची सर्वात मोठी असणारी प्रशासकीय राजवटही आता अवघ्या काही तासांत संपुष्टात आली आहे. 1983 मध्ये कल्याण डोंबिवली महानगरपालिका स्थापन झाल्यानंतर लागू झालेली प्रशासकीय राजवट तब्बल 1995 पर्यंत म्हणजेच तब्बल 12 वर्षे होती. त्यानंतर कोविडमुळे 2020 मध्ये कार्यकाळ संपल्याने कल्याण डोंबिवली महानगरपालिकेवर प्रशासकीय राजवट लागू झाली होती. मात्र आता कल्याण डोंबिवलीच्या महापौर आणि उपमहापौर पदाची निवड झाल्याने गेल्या 6 वर्षांपासून असलेली ही प्रशासकीय राजवटही संपुष्टात आली आहे. 

हे ही वाचा : राष्ट्रवादी काँग्रेसच्या दोन्ही गटांच्या विलीनीकरणामागील गूढ! अजितदादांना नेमकं काय हवं होतं?

'क्रिकेटची टीम झाली कबड्डीची' 

दरम्यान, या महापौर आणि उपमहापौर पद निवडीच्या विशेष सभेमध्येच सत्ताधारी आणि विरोधी पक्षाच्या नगरसेवकांमधील तीन नगरसेवक अनुपस्थित होते. यावेळी टोलेबाजी दिसून आली. शिंदेगटाचे नगरसेवक सचिन पोटे यांनी ठाकरे गटाच्या गटनेत्यांना जोरदार टोला लगावला. 'तुम्ही निवडून आले तेव्हा क्रिकेटची टीम होती, मात्र इकडे सभागृहात येईपर्यंत ती कबड्डीची झाली' या शब्दांत सचिन पोटे यांनी शाब्दिक कोटी केलेली पाहायला मिळाली. ज्यानंतर सभागृहात एकच हशा पिकला होता.