होम
राजकीय आखाडा
गुन्ह्यांची दुनिया
शहर-खबरबात
राशीभविष्य-धर्म
पैशाची बात
फोटो बाल्कनी
हवामानाचा अंदाज
टॉपिक
Kalyan Dombivli Municipal Corporation Election : कल्याण–डोंबिवली महानगरपालिकेत मतदान होण्याआधीच भाजप–शिंदेसेना महायुतीने निर्णायक आघाडी घेतल्याचे संकेत मिळत आहेत. कारण महायुतीचे तब्बल 19 उमेदवार बिनविरोध निवडून आले आहेत. उद्धव ठाकरे गटाची शिवसेना, काँग्रेस, मनसे तसेच काही अपक्ष उमेदवारांनी माघार घेतल्यामुळे महायुतीच्या अनेक उमेदवारांना निवडणूक न लढवताच महापालिकेत प्रवेश मिळाला आहे. या 19 बिनविरोध निवडून आलेल्या उमेदवारांमध्ये भाजपचे 13 तर शिंदेसेनेचे 6 उमेदवार आहेत. एकूण 122 सदस्यसंख्या असलेल्या केडीएमसीत उमेदवारी अर्जांची छाननी सुरू होताच काही प्रभागांमध्ये बिनविरोध निवडीचे चित्र स्पष्ट होऊ लागले होते. दरम्यान, महायुतीसमोर उभे असलेले उद्धवसेना आणि मनसेचे काही उमेदवार एकामागोमाग एक निवडणूक रिंगणातून बाहेर पडल्याने आतापर्यंत महायुतीच्या 19 जागा थेट बिनविरोध जिंकल्या गेल्या आहेत.
ADVERTISEMENT
2015 मध्ये कोणी मारली होती बाजी?
शिवसेना (एकत्रित) : 53
भाजप : 43
मनसे : 9
अपक्ष : 9
काँग्रेस : 4
राष्ट्रवादी काँग्रेस : 2
बसपा : 1
एमआयएम : 1
प्रभागरचना आणि आरक्षण
कल्याण-डोंबिवली महानगरपालिकेत एकूण 122 नगरसेवकांसाठी निवडणूक पार पडणार आहे. यंदाची महापालिका निवडणूक बहुसदस्यीय प्रभाग पद्धतीने पार पडणार असून, 122 जागांसाठी प्रभाग रचना निश्चित करण्यात आली आहे. त्यानुसार चार सदस्यीय 29 प्रभाग तर तीन सदस्यीय 2 प्रभाग असे मिळून एकूण 31 प्रभाग असतील. या 31 प्रभागांमधील 122 जागांपैकी 12 जागा अनुसूचित जाती, 3 जागा अनुसूचित जमाती, 32 जागा नागरिकांचा मागासवर्ग यांच्यासाठी राखीव ठेवण्यात आल्या असून, उर्वरित 75 जागा सर्वसाधारण प्रवर्गासाठी असणार आहेत.
महिला प्रतिनिधित्व वाढवण्यासाठी एकूण 122 पैकी 61 जागा महिलांसाठी आरक्षित करण्यात आल्या आहेत. आज महापालिकेच्या निवडणूक विभागाकडून जाहीर करण्यात आलेल्या आरक्षण सोडतीनुसार, नागरिकांचा मागासवर्ग (32), अनुसूचित जाती (12), अनुसूचित जमाती (3) अशा 47 राखीव जागांसह सर्वसाधारण 75 जागांचे आरक्षण 31 प्रभागांमध्ये निश्चित करण्यात आले आहे. यामध्ये अनुसूचित जाती (महिला) – 6, अनुसूचित जमाती (महिला) – 2, नागरिकांचा मागासवर्ग (महिला) – 16 आणि सर्वसाधारण (महिला) – 37 अशा जागांचा समावेश आहे.
केडीएमसीची मागील महापालिका निवडणूक 2015 साली झाली होती. त्यानंतरचा पंचवार्षिक कार्यकाळ 2020 मध्ये संपुष्टात आला. मात्र, त्या काळात कोरोना महामारीमुळे निवडणूक प्रक्रिया होऊ शकली नाही. परिणामी, 2020 पासून महापालिकेत प्रशासकीय राजवट लागू होती. आता निवडणुकीची घोषणा झाल्याने ही प्रशासकीय व्यवस्था संपुष्टात येणार आहे.
प्रभाग व सदस्यसंख्या
एकूण प्रभाग : 31
चार सदस्यीय प्रभाग : 29
तीन सदस्यीय प्रभाग : 2
एकूण नगरसेवक : 122
इतर महत्त्वाच्या बातम्या
ADVERTISEMENT
