ठाणे महानगरपालिका : 2017 साली शिवसेनेची सत्ता, राष्ट्रवादीने मिळवल्या होत्या 34 जागा, आता कोणाची येणार सत्ता?

ठाणे महानगरपालिका निवडणूक 2017 : काय होता निकाल?

2017 साली झालेल्या ठाणे महापालिका निवडणुकीत शिवसेना आणि भाजप आमनेसामने होते. त्या वेळी शिवसेना एकसंध होती. या निवडणुकीत शिवसेनेने 67 जागा जिंकत स्पष्ट बहुमत मिळवले आणि एकहाती सत्ता स्थापन केली. राष्ट्रवादी काँग्रेसने 34 जागांवर विजय मिळवला होता, तर भाजपला 23 जागांवर समाधान मानावे लागले आणि तो तिसऱ्या क्रमांकावर राहिला होता. दरम्यान, शिवसेनेत फुट पडल्यानंतर एकनाथ शिंदेंचं ठाण्यात वर्चस्व असल्याचं पाहायला मिळालंय. आताही एकनाथ शिंदे यांच्या शिवसेनेचे 6 नगरसेवक बिनविरोध निवडून आले आहेत.

गेल्या सुमारे तीन दशकांपासून ठाणे महानगरपालिकेवर शिवसेनेची सत्ता आहे. दिवंगत नेते आनंद दिघे यांच्या काळापासून ठाणे हा शिवसेनेचा मजबूत बालेकिल्ला मानला जातो. केवळ 1987 ते 1993 या सहा वर्षांच्या कालावधीतच काँग्रेसकडे सत्ता होती. त्यानंतर ठाणे महापालिका आणि शिवसेना हे समीकरण कायम राहिले आहे. मात्र, अलीकडच्या काही वर्षांत ठाण्यात भाजपचा प्रभाव लक्षणीयरीत्या वाढताना दिसतो आहे. याच पार्श्वभूमीवर, यंदाच्या निवडणुकीत भाजपच्या स्थानिक नेत्यांनी स्वबळावर लढण्याची मागणी पक्षश्रेष्ठींकडे जोरकसपणे मांडली होती. त्यासाठी भाजपने गणेश नाईक यांना ठाण्यात सक्रिय भूमिका दिली होती. या घडामोडींमुळे शिंदे गटाच्या शिवसेनेत काही प्रमाणात अस्वस्थता निर्माण झाली होती. मात्र, सध्याच्या स्थितीत भाजप आणि एकनाथ शिंदे यांची शिवसेना युतीतूनच निवडणूक लढवण्याची शक्यता अधिक असल्याचे संकेत मिळत आहेत.

हेही वाचा : कल्याण: सासुने 60 वर्षीय मित्रासोबत मिळून केली सुनेची हत्या! संपत्ती आणि नोकरीच्या वादातून भयानक घटना

ठाणे महानगरपालिकेतील आरक्षण

अनुसूचित जाती - 9 जागा

अनुसूचित जमाती - 3 जागा

नागरिकांचा मागासवर्ग प्रवर्ग (ओबीसी) - 35 जागा

सर्वसाधारण - 84 जागा

एकूण 131 जागांपैकी 66 जागा महिलांसाठी आरक्षित करण्यात आल्या आहेत.

एससी महिला - 5 जागा, एसटी महिला - 2 जागा, ओबीसी महिला - 18 जागा,

सर्वसाधारण महिला 41 जागा यामुळे यंदाच्या निवडणुकीत ठाणे महानगरपालिकेत महिलांचे स्पष्ट वर्चस्व दिसून येणार आहे.

ठाणे महानगरपालिकेतील प्रभाग रचना

ज्याअर्थी, राज्य शासन अथवा त्यांनी प्राधिकृत केलेले अधिकारी, यांनी राज्य निवडणूक आयोग, महाराष्ट्र किंवा त्यांनी प्राधिकृत केलेले अधिकारी यांच्या मान्यतेने, महाराष्ट्र महानगरपलिका अधिनियमांच्या कलम 5 च्या तरतूदीखाली ठाणे महानगरपलिका बाबतीत निवडावयाच्या सदस्यांची संख्या व प्रभागांची संख्या पुढील प्रमाणे निश्चित केली आहे :-

1. एकूण सदस्यांची संख्या  -  131

२. चार सदस्यीय प्रभागांची संख्या  -32 

3. तीन सदस्यीय प्रभागांची संख्या    - 01

४. पाच सदस्यीय प्रभागांची संख्या - निरंक 

५. एकूण प्रभागांची संख्या   -33

इतर महत्त्वाच्या बातम्या 

मुंबईत मराठी माणूस ठाकरे बंधूंना साथ देणार की महायुतीला? असेंडिया कंपनीचा सर्वात मोठा सर्व्हे समोर