अंधारे नेमकं काय म्हणाल्या?

या प्रकरणावरुन फडणवीसांवर टीका करताना त्या म्हणाल्या की, 'नसरापूर पुणे परिसरात एका चार वर्षाच्या मुलीला अत्याचार करुन ठेचून संपवलं जातं. जिथं माणुसकीला काळिमा म्हणण्यापेक्षा ज्याच्यावर व्यक्त व्हायला शब्द धजावत नाहीत. कुठल्याही आईचं काळीज असणाऱ्या जीवाचा थरकाप व्हावा अशी ही घटना. पण यावर आपण अजिबात गृहमंत्र्यांचा राजीनामा मागायचा नाही. आपण अजिबात त्यावर प्रश्न विचारायचे नाहीत. कारण प्रश्न विचारल्यावर आपण राजकारण करतोय.'

हे ही वाचा : पुणे हादरलं! चार वर्षीय चिमुरडीची बलात्कार करुन निर्घृण हत्या, शेणात लपवला मृतदेह, गावकरी आक्रमक

यापुढं बोलताना त्या म्हणाल्या की, 'आपण हे सगळं गप्प निमूटपणे सहन करायचं. उलट आपण गृहमंत्री कसे इन्फ्रामॅन, गृहमंत्री कसे सुपरमॅन, गृहमंत्री कसे चाणक्य, गृहमंत्री कसे हुशार, गृहमंत्री कसे मनामनात जनाजनातले ताईत वगैरे वगैरेच्या बाता मारायच्या. आपण चकार शब्दाने बोलायचं नाही. आपण शांत रहायचं. आणि मनाशी एकच खूणगाठ बांधायची की आपण एका असुरक्षित राज्यामध्ये रहात आहोत. ज्या राज्यात चार वर्षाचं बाळसुद्धा सुरक्षितपणे खेळू बागडू शकत नाही. '

हे ही वाचा : सरकारी कर्मचाऱ्याच्या मृत्यूनंतर त्याच्या मैत्रिणीवर संशय, पण तिचाही मृतदेह आढळला

गावकरी आक्रमक

चिमुरडीच्या हत्येनंतर नसरापूरमधील गावकरी आक्रमक झाले आहेत. गावकऱ्यांनी आरोपीला ताब्यात देण्याची मागणी पोलिसांकडे केली. यावेळी गावकऱ्यांनी रास्ता रोकोदेखील केला. यावेळी पोलिसांनी गावकऱ्यांची समजूत काढल्यानंतर स्थगित करण्यात आला.