पवारांची साथ सोडल्यानंतर उद्धव ठाकरे अन् शिदेंची ऑफर, आता प्रशांत जगताप यांची पहिली प्रतिक्रिया समोर

एकनाथ शिंदेंचा फोन, पण संवाद टाळला

एकनाथ शिंदे यांनी काही वेळापूर्वीच प्रशांत जगताप यांना फोन केल्याची चर्चा आहे. मात्र, या फोनवर बोलणे जगताप यांनी टाळल्याचे समजते. शिंदे गटाकडून शिवसेनेत प्रवेशाची ऑफर देण्यात आली होती का? याबाबत राजकीय वर्तुळात चर्चा रंगू लागल्या आहेत. विशेष म्हणजे, शिंदे गटाची शिवसेना आणि उद्धव ठाकरे यांची शिवसेना दोन्हीही प्रशांत जगताप यांना आपल्या पक्षात घेण्यासाठी इच्छुक असल्याचे संकेत मिळत आहेत. तरीही, जगताप यांची वैचारिक भूमिका पाहता ते काँग्रेसमध्ये प्रवेश करण्याची अधिक शक्यता असल्याचे बोलले जात आहे.

हेही वाचा : अकोला हादरलं, पोटच्या मुलीवर बापाचा लैंगिक अत्याचार, काकानेही अब्रू लुटली, नंतर शेजारचा आजोबाही झाला नराधम

या सर्व घडामोडींवर प्रतिक्रिया देताना प्रशांत जगताप म्हणाले की, उद्धव ठाकरे आणि सचिन आहिर यांनी माझ्याशी संवाद साधल्याबद्दल मी त्यांचा मनापासून आभारी आहे. माझ्यासारख्या सामान्य कार्यकर्त्याशी त्यांनी वेळ काढून बोलणे, ही माझ्यासाठी मोठी गोष्ट आहे. भाजपला ठामपणे विरोध करण्याची भूमिका असलेल्या राज्यातील आक्रमक नेत्याने माझ्या भावना समजून घेतल्या आणि ‘तुम्ही आमच्या पक्षात काम करू शकता,’ असे मला सांगितले.

ते पुढे म्हणाले की, मी भाजप किंवा महायुतीतील कोणत्याही पक्षात जाणार नाही, हे स्पष्ट आहे. आज माझ्या राजकीय आयुष्यातील अत्यंत महत्त्वाचा निर्णय घेणार आहे. उद्धव साहेबांचा मी कायम ऋणी राहीन. त्यांनी माझ्यासारख्या कार्यकर्त्याची क्षमता ओळखली. पुढील दोन-तीन तासांत माझा अंतिम निर्णय जाहीर होईल.

संविधान आणि पुरोगामी विचारांची लढाई

माझी राजकीय लढाई ही कोणत्याही एका नेत्याविरोधात नसून, संविधानाच्या रक्षणासाठी आणि पुरोगामी विचारसरणीसाठी आहे, असेही जगताप यांनी स्पष्ट केले. भाजप सरकारला आणि महायुतीला प्रभावीपणे आव्हान देऊ शकणाऱ्या शक्तीचीच मी निवड करणार आहे, असे त्यांनी ठामपणे सांगितले.

इतर महत्त्वाच्या बातम्या 

अकोला हादरलं, पोटच्या मुलीवर बापाचा लैंगिक अत्याचार, काकानेही अब्रू लुटली, नंतर शेजारचा आजोबाही झाला नराधम